भांगरभूंय | प्रतिनिधी
भलायके खातीर जायते जाण सकाळीं च्या आनी दुदाची कॉफी पियेवचे बदला ब्लॅक कॉफी पियेवप पसंत करतात. उणी कॅलरी आनी अँटीऑक्सिडंट्स चड आशिल्ल्या ब्लॅक कॉफीचे खूब फायदे आसात. ही कॉफी माफक प्रमाणात पियेल्यार टायप 2 गोडेंमूत, स्ट्रोक आनी काळजाच्या दुयेंसांचो धोको उणो जाता. नेमान ब्लॅक कॉफी पियेवपी लोकांक वेगवेगळ्या दुयेंसांचो धोको उणो जाता. हाचे भायर पार्किन्सन आनी लिवर कॅन्सराचोय धोको उणो जाता. पूण… ती प्रमाणांत पियेवपाक जाय. फॅशन वा प्रतिश्ठेचे बिरुद म्हूण चड पिवपाक जायना. ब्लॅक कॉफीचे चड सेवन केल्यार काळजात जळजळ, अस्वस्थताय वा न्हीद येवपाक शकता. देखून ब्लॅक कॉफीचो ओव्हर डोस घेवप टाळचें.
एक कप गरम उदका वांगडा ब्लॅक कॉफी पियेवन दीस सुरू करप बरें मानतात. ताका लागून फकत उर्जाच वाडना जाल्यार जागृताय वाडटा आनी सकाळचो थकवो उणो करपाकय मजत जाता. भलायकेचे नदरेन संवसारांत ब्लॅक कॉफी सगळ्यांत चड लोकप्रीय आसा. हे कॉफीचे भलायके संबंदीत जायते फायदे आसात. तातूंत कॅलरी उणी आशिल्ल्यान गोडेंमूत जाल्ल्या लोकां खातीर हें एक बरें पेय आसा, अशें स्टर्लिंग हॉस्पिटलांतली मुखेल आहारतज्ञ पूजा शेलट सांगता.
कितली ब्लॅक कॉफी पियेवची?
तुमी तुमचो दीस बेड टी वा कॉफी पासून सुरू करता जाल्यार ब्लॅक कॉफी तुमकां सगळ्यांत बरो पर्याय न्हय. तज्ञांच्या म्हणण्या प्रमाण, ब्लॅक कॉफी पियेवपाचो सगळ्यांत बरो वेळ म्हळ्यार सकाळीं, मध्यान वा उसरां. तुमचे कुडींतली कोर्टिसोलाची पातळी ह्या वेळार सगळ्यांत उणी आसता. एक मनीस सकाळीं 6.30 वरांचेर जागो जाता जाल्यार ताचे खातीर ब्लॅक कॉफी पियेवपाचो सगळ्यांत बरो वेळ सकाळीं 9 ते 11 वरां मजगतीं.
योग्य प्रमाणांत ब्लॅक कॉफी घेतल्यार भलायके संबंदीत जायते फायदे जातात. शारिरीक उर्जा वाडटाच, पूण जायत्या दीर्घकाळ चलपी दुयेंसांकय पयस करूं येतात. ते भायर ब्लॅक कॉफी एकाग्रताय वाडयता, ताण उणो करता. कारण तातूंतलें कॅफीन उत्तेजक जागृताय वाडोवपाक आनी थकवो उणो करपाचें काम करता. कॉफींत मेळपी अँटीऑक्सिडेंट हे फायदेशीर संयुग आसून ते पेशींक लुकसाण करपी मुक्त रॅडिकल्स आड झुजपाक मजत करता. उच्च रक्तदाब आशिल्ल्यांक ते फायदेशीर थारूंक शकता. तशेंच स्मृती आनी यकृताची भलायकी सुदारपाक फायदेशीर थारूंक शकता. विखारी पदार्थांक लागून जावपी नुकसान उणें करपाक मजत करता अशें डॉ. शेलट हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
