भांगरभूंय | प्रतिनिधी
ब्लड कॅन्सर हो सगळ्यांत गंभीर कॅन्सर, जाचो परिणाम आमच्या रगत आनी अस्थीमज्जेचेर जाता. रगतपेशींच्या डीएनएंतल्या बदलांक लागून आनी उत्परिवर्तनाक लागून तो सुरू जाता. चिंतेची गजाल म्हळ्यार संवसारांत सुमार दर 3 मिनटांनी ब्लड कॅन्सराचो दुयेंती मेळटा. मनशाचे मानसीक आनी शारिरीक भलायकेचेरच न्हय तर ताचे कुटुंबीक आनी अर्थीक वेवस्थेचेरूय परिणाम करपी हो दुयेंस. फुडाराकय वाडपाची शक्यताय आशिल्ल्यान ह्या कॅन्सराचीं लक्षणां बेगीन वळखुप म्हत्वाचें.
ब्लड कॅन्सराचीं लक्षणां खंयचीं?
ब्लड कॅन्सर मुखेलपणान ल्युकेमिया, लिम्फोमा आनी मायलोमा अशे तीन प्रकारचे आसतात. ताचेर वेळार उपचार करप गरजेचें. देखून कुडींतल्या ह्या 4 लक्षणां कडेन दुर्लक्ष करचें न्हय –
१. खर जोर आनी संसर्ग
धव्या रगतपेशींची संख्या उणी जाल्ल्यान कुडीक संसर्गाक आडावंक मेळना, जाका लागून वारंवार जोर येवप आनी नेटान संसर्ग जावंक शकता. देखून, अशें वारंवार घडटा जाल्यार रगताची तपासणी करची.
२. सुज
लिम्फ नोड्सांत कॅन्सराच्यो पेशी असामान्य प्रमाणांत वाडटात, जाका लागून कुडीच्या कांय भागांत सुज वा गांठ येतात. मान, वा मांडयेचे सांधे ह्या सारक्या वाठारांनी अशें जावं येता.
३. स्वास घेवपाक त्रास जावप वा थकवा
स्वास घेवपाक तशेंच थकवाचो त्रास जाल्यार जतनाय घेयात. तांबड्या रगतपेशींचें प्रमाण उणें जाल्ल्यान कुडीक ऑक्सिजनाचो उणाव आसता, जाका लागून श्वास घेवपाक त्रास जाता. तशेंच अशक्तताय आशिल्ल्यान दीसभर थकवा येवप आनी कात हळडुवीं जावप अशीं लक्षणां दिसतात.
४. रातच्या वेळार घाम येवप आनी वजन उणें जावप
कॅन्सर पेशींक लागून सायटोव्हिनाची पातळी वाडटा, जाका लागून रातच्या वेळार घाम येता. तशेंच कॅन्सराच्या कॅटाबॉलिक स्वरुपाक लागून भूक उणी जाता, जाका लागून वजन उणें जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
