ब्राझिलाक संवसारांतली सगळ्यांत जाण्टी बायल
भांगरभूंय | प्रतिनिधी
जल्म तारीख १० मार्च १९०५, पिराय ११९ वर्सां
रियो दि जानेरिओ, खबरां संस्था: ब्राझीलच्या देओलिरा ग्लिसेरिया पेड्रो दा सिल्वा हांचो जल्म १० मार्च १९०५ दिसा जालो. सध्या ती ११९ वर्सां पिरायेची आसा. विशेश म्हळ्यार तिचे कडेन ब्राझिलियन भाशेंत सरकारान जारी केल्लें वळखपत्रूय (आयडी) आसा.
सध्या संवसारांतली सगळ्यांत जाण्टे बायलेचो विक्रम ११७ वर्सां पिरायेची मारिया ब्रायन्स मोरेरा हिच्या नांवाचेर आसा. तिचो जल्म अमेरिकेंत जाल्लो. मात ती सध्या स्पेनांत रावता. तिका बर्याच काळा सावन नर्सींग होमांत दाखल केल्या.
देओलिरा ग्लिसेरिया पेड्रो दा सिल्वा हिचे कडेन ब्राझिलियन भाशेंत सरकारान जारी केल्लें वळखपत्रूय आसा.
गोल्डन ओल्डी
देओलेरा हांकां ब्राझिलियन मिडिया मोगान ’गोल्डन ओल्डी’ म्हणून वळखतात. ११९ वर्सां पिरायेचे देवलिरा कुटुंबाच्या म्हणण्या प्रमाण ती आनीकूय १० वर्सां जगपाक शकता. सध्या ती आपल्या पुराय कुटुंबा सयत इटापेरुना हांगा रावता. हो रिओचोच एक उपनगरीय भाग.
देवलिरा हांणी दोनूय महाझुजां पळयल्यांत. सध्या संवसारांतली सगळ्यांत जाण्टी बायलेचो रेकोर्ड मारिया ब्रायन्स हिच्या नांवार आसा. देवलिरा ही मारिया ब्रायन्सा परस दोन वर्सांनी व्हड. हे फाटभूंयेर देवलिरा ही संवसारांतली सगळ्यांत जाण्टी बायल थारता. आतां साओ पावलो विद्यापिठाच्या सेंटर फॉर ह्यूमन जीनोम आनी स्टेम सेल विभागांतली टीम देवालिराचे पिरायेचेर संशोधन करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
