भांगरभूंय | प्रतिनिधी
भांगरभूंय । खबरां मेज
पणजीः अमेरिकेंत न्यू जर्सी हांगा स्वामीनारायण संस्थानाच्या अक्षरधाम हिंदू मंदिराचें उक्तावण कुंडयच्या दत्त पद्मनाभ पिठाचे स्वामी ब्रह्मेशानंद हाचे हाजरेंत उक्तावण जालें. ह्या सुवाळ्यां खातीर तांका खासा आमंत्रण दिल्लें. उक्तावण सुवाळ्या वेळार ताणे महंत स्वामीक परबीं भेटयली.
सनातन हिंदू धर्म संवसारीक पांवड्यार पावला. समाजाक ईश्वरा कडेन व्हरपाक, ताजे कडेन जोडपाची मुखेल माध्यम म्हणल्यार मंदिर आसा. संवसाराक सध्या अध्यात्माची खूब गरज आसा. सुवार्थी हेत मनांत दवोरून आमी संवसार जिकपाक शकनात. संवसारांत एकचार आनी शांती मोगान तयार जावपाक शकतली, अशें ब्रह्मेशानंद स्वामीन ह्या वेळार केल्ल्या उलोवपांत सांगलें.
अक्षरधाम हिंदू मंदिर म्हणल्यार स्वामीनारायण संस्थानाचे संस्थापक स्वामी महाराज हांणी अध्यात्माच्या माध्यमांतल्यान सुरू केल्ली एक क्रांती आसा. तांणी जायत्या शारांनी देवळां तयार करून संवसाराक सनातन धर्माची वळख करून दिली. सनातन धर्मा खातीर व्हो इतिहासीक खीण आसा. अमेरिकेंतलें हें अशे तरेचें हे पयलें मंदिर आसा अशें स्वामीन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
