भांगरभूंय | प्रतिनिधी
भांगरभूंय । खबरां मेज
पणजीः नामनेचो वकील आनी समाज वावुरपी सुरेश रायकार हांचो कुंडयच्या तपोभूमीचे स्वामी ब्रह्मेशानंद हांचे हस्तुकीं भोवमान जालो. रायकार हांणी लोकांची सेवा करत रावची, तांका कायद्याचो आदार दिवंन तांच्यो समस्या सुटाव्यो करच्यो असो सल्लो तांका ब्रह्मेशानंद स्वामीन दिला.
पद्मश्री सद्गुरू ब्रह्मेशानंत स्वामीन म्हजो भोवमान करप हें हांव म्हजे भाग्य समजता. स्वामीचे आध्यात्मीक आनी लोक कल्याणाचें काम तोखणाय करपा सारकें आसा. ताच्या वांवरांत आमी सगल्यांनी वांटेकार जावपाक जाय अशें सुरेश रायकार हांणी सांगलें.
हे भोवमान कार्यावळीक मुरगांव मतदारसंघाचो आमदार संकल्प आमोणकार, बेळगांवच्या नियती फावंडेशनाची संस्थापक डॉ सोनाली सरनोबत, मार्व्हलस बेळगांवचे सीईओ राकेश नंदगडकर, दत्त पद्मनाथ पिठाचे संचालक मंडळ आनी प्रबंधक हाजीर आशिल्ले. कार्यावळीचें सूत्रसंचालन सच्चिदानंद नायक हांणी केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
