भांगरभूंय | प्रतिनिधी
फोंडें: शिरशिरें बोरीच्या दोंगर वाठारांत बिरेस्तारा राती कडेन उजो लागलो. उजो लागिल्ल्याची म्हायती मेळटाच फोंडें रान खात्याचे रान अधिकारी दीपक तांडेल हांच्या मार्गदर्शना खाला राती उसरां उज्याचेर नियंत्रण मेळयलें. उजो लागपा फाटलें कारण स्पश्ट जावंक ना.
बिरेस्तारा रातच्या 8 वरांच्या सुमाराक दोंगराळ वाठारांत उजो लागिल्ल्याची म्हायती रान खात्याच्या अधिकाऱ्यांक मेळ्ळी. रान विभागाचे अधिकारी दीपक तांडेल आनी हेर कर्मचाऱ्यांनी ताकतिकेन घडणुकेचे सुवातेर वचून उज्याचेर नियंत्रण मेळयलें. ह्या वेळार तांणी 6 ब्लोवर वापरून रातच्या 12.30 वरांच्या सुमाराक उज्याचेर नियंत्रण मेळयलें. मजगतीं, बायथाखोल बोरी सर्कला लागसार आशिल्ल्या रानांत शुक्रारा दनपारां उजो लागलो. तो फोंडें उजो पालोवपी दळाच्या कर्मचाऱ्यांनी पालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
