भांगरभूंय | प्रतिनिधी
धुळे (महाराष्ट्र), खबरां संस्था: आंगणांत खेळटना, बोमाडो फुलोवपी ८ वर्सां पिरायेचे चलयेक मरण आयिल्ल्याची घडणूक हांगाच्या यशवंत नगरांत घडली. बोमाडो फुलयतना तो तोंडांतूच फुटलो आनी गळ्यांत त्या बोमाड्याचो कुडको आडकल्ल्यान ताका स्वास घेवपाक त्रास जावपाक लागले. घरच्यांनी ताका लागसारच्या खाजगी हॉसिपटलांत व्हेलें. मात तो मेरेन उशीर जाल्लो. दोतोरांनी चलयेक मरण आयिल्ल्याचें सांगलें. हे घडणुकेक लागून तांच्या घरच्यांचेर आनी थंयच्या वाठारांत दुख्ख पातळ्ळां.
डिंपल मनोहर वानखेडे अशें मरण आयिल्ले चलयेचें नांव. रबराचो बोमाडो तोंडांतूच फुटिल्ल्यान बोमाड्याचो कुडको तिच्या स्वास घेवपी पायपांत आडकल्ल्या मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
