भांगरभूंय | प्रतिनिधी
भांगरभूंय । प्रतिनिधी
फोंडेंः बोणबाग- बेतोडें हांगच्या एका घरांत 12 वर्सांनी परत चोरी करपाचो यत्न शुक्राराक जालो. सद्या ह्या वाठारांत हो एक चर्चेचो विशय जाला. फुडलें दार बंद करून गेल्ल्या घरच्यांक दनपारां आयल्या उपरांत चोरयेचो प्रकार दिसलो. मात तांणी भांगराचे दागिने हेर सुवातेर दवोरल्ल्यान चोरांच्या हाताक कांय लागलें ना.
मेळल्ले म्हायती प्रमाण घराचें फाटलें दार मोडून चोर भिरत आयले. घरांतल्या कपाटांतलें सगळें सामान तांणी उस्तून वडयलें. मात दागिने तांच्या हाताक लागले ना. गस्तीचेर आशिल्ल्या पुलिसांनी वचून पळोवणी केली. घरच्यांनी फोडें पुलीस स्टेशनांत अजून कागाळ केली ना अशी म्हायती आसा.
12 वर्सां पयलीं ह्याच घरांत भर दिसा चोरी जावंन लाखांनी रुपया मोलाचे भांगरा वस्ती चोरून व्हेल्ल्यो. फोंडे पुलिसांन चोराक धरून ह्यो वस्ती जप्त केल्ल्यो. घरांत पयलीं चोरी जाल्ल्यान घरचे लोक भांगरा वस्ती हेर सुवातेर दवोरतात. ताका लागून शुक्राराक चोराच्या हातांत कांय लागलें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
