भांगरभूंय | प्रतिनिधी
भांगरभूंय । प्रतिनिधी
म्हापशेंः बोडगेश्वर जात्रेंतल्या फेरयेंतल्यान म्हापशे पालिका मंडळाक सोपो आनी कोयर कराच्या रुपांत सुमार 15 लाख रुपयांचो महसूल मेळ्ळो. अंदूं 13 दिसांचे जात्रे खातीर फेरयेतले स्टॉल आनी विक्रेत्यां कडल्यान पालिकेन कर वसूल केलो.
बोडगेश्वराच्या वर्सुकी जात्रेंत देवळाच्या आवाठांत भरिल्ले फेरयेंत 600 परस चड स्टॉल उबारल्ले. तातूंत खाजें. रेडीमेड कपडे, खेळणी, आयदना आनी हेर वस्तु तशेंच खावपाच्या जिनसांच्या स्टॉलांचो आसपाव आशिल्लो. शिवाय मनरिजवणेच्या खेळांचो व्हडलो सेटअप आशिल्लो. तातूंत जायंट व्हील, ड्रॅगन ट्रेन, स्लायट आनी हेर खेळांचो आसपाव आशिल्लो.
हे फावट पालिकेन फेरयेंतल्या दुकानांचो सोपो कर दर रनीग मीटराक 800 रुपये असो दवोरल्लो. तातूंत कोयर कराचो आसपाव आशिल्लो. अदूं पालिकेच्या कर्मयाऱ्यांनी बोडगेश्वर जात्रेंतल्यान 15 लखांचो महसूल एकठांय केलो. पोरूं 11 लाख रुपया एकठांय केल्ले. अदूं तातूंत 4 लाखाची भर पडली अशें नगराध्यक्ष प्रिया मिशाळ हिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
