बोडगेश्वराचो वर्धापनदीस फाल्यां, जात्रा परवां

भांगरभूंय | प्रतिनिधी

4 फेब्रुवारी मेरेन 13 दीस विवीध धर्मीक आनी सांस्कृतीक कार्यावळींचें आयोजन

भांगरभूंय । प्रतिनिधी

म्हापशें: म्हापशेंचो राखणदार आनी गोंयचें तशेंच शेजारच्या राज्यांतल्या भक्तांचे श्रद्धास्थान आशिल्ल्या म्हापशेंच्या श्रीदेव बोडगेश्वराचो 31वो वर्धापनदीस सुवाळो मंगळारा 23 जानेवारीक जाल्यार 89 वी जात्रा 24 जानेवारीक मनयतले.

23 जानेवारी ते 4 फेब्रुवारी ह्या 13 दिसांचे हे जात्रे निमतान 23 जानेवारीक सकाळीं 10 वरांचेर मुर्ती प्रतिश्ठापनेचो 31 वो वर्धापनदीस सुवाळो, दनपारा 1 वराचेर महाप्रसाद, सांजेच्या 7 वरांचेर सवायशिणीं वतीन दीपोत्सव आनी रातच्या 8.30 वरांचेर ओम सत्य साई मंडळ म्हापशें वतीन प्रार्थना आनी भजनाची कार्यावळ जातली.

बुधवारा 24 जानेवारीक दनपारां 12 वरांचेर श्रीदेव बोडगेश्वराची 89वी जात्रा. दनपारां 1 वराचेर महाप्रसाद, सांजेच्या 4 वरांचेर नवदुर्गा दिंडी पथक बोरी हांची कार्यावळ, 6 वरांचेर नवदुर्गा भजनी मंडळ बोरी हांची भजनाची कार्यावळ, रातच्या 12 वरांचेर परंपरीक पुराणीक दशावतारी नाटक जातलें.

बिरेस्तारा 25 जानेवारीक सकाळीं 10 वरांचेर महापुजा आनी दनपारां 1 वराचेर महाप्रसाद जातलो. सांजेच्या 5.30 वरांचेर रेश्मा गांवस हांचें स्वतंत्र तबला वादन जातलें. 7 वरांचेर चांदणे स्वरांचे ही मपाठी भावगितां, भक्तीगितां, नाट्यसंगीत, चित्रपट गितांची कार्यावळ जातली. तातूंत नबाब शेख, अभता रामनाथकार तशेंच मुक्ता मिरस हे कलाकार गायन सादर करतले.

शुक्रारा 26 जानेवारीक सकाळीं 10 वरांचेर पिकअप ड्रायव्हर असोसिएशना वतीन महापुजा आनी दनपारां महाप्रसाद जातलो. सांजेच्या 5.30 वरांचेर बालकिर्तनकार शर्वेश शिवानंद साळगांवकार किर्तन सादर करतलो. 6.15 वरांचेर डॉ. राजेश भटकुर्से तबला वादन सादर करतले. 7.15 वरांचेर नक्षत्रांचे देणे ही मराठी भक्तीगितांची कार्यावळ जातली. तातूंत धनश्री कोरगांवकार, नव्या भट, अभिशेक नलावडे (मुंबय) हे गायक कलाकार वांटो घेतले.

शेनवारा 27 जानेवारीक सकाळीं 10 वरांचेर म्हापशेंच्या नुस्तें विक्रेत्यां वतीन महापुजा, सांजेच्या 5.15 वरांचेर स्वर अक्षय ही मराठी भावगीत, भक्तीगीत गायनाची कार्यावळ जातली. हातूंत गायक अक्षय नायक आनी नेहा कळसुलकार आजगांवकार वांटो घेतलीं. रातच्या 8.30 वरांचेर मोहक सिद्धकला डान्स अकादमी अ‍ॅण्ड इव्हेंट्सवतीन जान्हवी बोंद्रे प्रस्तूत सांस्कृतीक नाचाची कार्यावळ जातली.

आयतारा 28 जानेवारीक सकाळीं 10 वरांचेर रिक्षा ड्रायव्हर असोसिएशन (कदंबा स्टॅण्ड) म्हापशें वतीन श्री सत्यनारायण महापुजा, दनपारां 1 वराचेर महाप्रसाद, सांजेच्या 5.30 वरांचेर  स्वराचें सार्थक संदेश खेडेकार हांची शास्त्रीय आनी उपशास्त्रीय गायनाची कार्यावळ जातली. रातच्या 8.30वरांचेर मुद्रा सांस्कृतीक नाचाची कार्यावळ अंतरा आनी सांगाती तशेंच आरती नायक (कांदोळी) हाची नाचाची कार्यावळ जातली.

सोमारा 29 जानेवारीक सकाळीं 10 वरांचेर म्हापशें पालिके वतीन सत्यनारायण महापुजा, दनपारां 1 वराचेर महाप्रसाद, सांजेच्या 6.30 वरांचेर दिंडी. सादरकर्ते श्रीराम दिंडी पथक मांद्रे. 8.30 वरांचेर डान्स व्हायब्स उपशास्त्रीय नाच. सादर करतले दुर्वा पांगम.

मंगळारा 30 जानेवारीक सकाळीं 10 वरांचेर म्हापशें भाजी विक्रेत्यां वतीन महापुजा, दनपारा 1 वराचेर महाप्रसाद, सांजेच्या 5.30 वरांचेर स्वरअभिशेक ही अभंग, भक्तीगीत, नाट्यगीत आनी भावगितांची कार्यावळ जातली. सादरकर्ते अभिषेक काळे (सांगली) आनी भाग्यश्री आठल्ये जोशी.

बुधवारा 31 जानेवारीक सांजेच्या 5.30 वरांचेर स्वरांजली ही मराठी सुगम संगिताची कार्यावळ गणेश मेस्त्री (पुणे) आनी किशोरी मुर्के (मुंबय) सादर करतले.

बिरेस्तारा 1 फेब्रुवारीक सांजेच्या 5.30 वरांचेर मोरजेच्या श्वेता आनी सांगात्यांची नाचाची कार्यावळ जातली. 7.30 वरांचेर सूर ईश्वर ही अभंग, भक्तीगितांची कार्यावळ विनय महाले आनी वेदा नेरुरकार (मुंबय) सादर करतले. शुक्रारा 2 फेब्रुवारीक सांजेच्या 6 वरांचेर बालभवनाच्या भुरग्यांची गायन, वादन, नाचाची कार्यावळ जातली. शेनवारा 3 फेब्रुवारीक 6 वरांचेर कला आनी संस्कृती संचालनालय पुरस्कृत वैष्णवी जोशी आनी सांगात्यांची सांस्कृतीक कार्यावळ जातली. आयतारा 4 फेब्रुवारीक सांजेच्या 6 वरांचेर स्वर चैतन्याचे ही अभंग, भक्तीगीत, नाट्यसंगीत आनी भावगितांची कार्यावळ सुभाष आनी नम्रता जोशी सादर करतलीं. जाल्यार रातच्या 8 वरांचेर मंदिरा तिरोडकार आनी सांगाती कलाकार भरतनाट्यम सादर करतले.