बोडगेश्वराची जात्रा 2 जानेवारीक

भांगरभूंय | प्रतिनिधी

1 ते 8 जानेवारी मेरेन विवीध कार्यावळींचें आयोजन

भांगरभूंय । प्रतिनिधी

म्हापशें : म्हापशेंच्या श्रीदेव बोडगेश्वर संस्थानाची 91 वी जात्रा 2 जानेवारीक मनयतले. ते निमतान बिरेस्तार 1 ते बिरेस्तार 8 जानेवारी मेरेन विवीध धर्मीक आनी सांस्कृतीक कार्यावळींचें आयोजन केलां. सद्दां दनपारां 1 वराचेर म्हाप्रसाद जातलो.

बिरेस्तारा 1 जानेवारीक सकाळीं 10 वरांचेर देवस्थानाचो मुर्ती प्रतिश्ठापनेचो 33 वो वर्धापन दीस सुवाळो जातलो. सांजेच्या 5 वरांचेर श्री म्हात्राई काळभैरव महिला भजनी मंडळ, लामगांव दिवचल वतीन भजनाची कार्यावळ जातली. 7 वरांचेर सवायशिणी वतीन दिवजां, रातच्या 8.30 वरांचेर ओम सत्यसाई मंडळ म्हापशें वतीन भजनाची कार्यावळ जातली.

शुक्रारा 2 जानेवारीक दनपारां 12 वरांचेर देवस्थानाची जात्रा जातली. सांजेच्या 5.30 वरांचेर स्वर भगिनी प्रस्तूक गायक कलाकार वैष्णवी प्रभू आनी ममता प्रभू हांची संगिताची कार्यावळ जातली. तांकां नरेश नागवेंकार, दत्तराज च्यारी, भावेश कळंगूटकार, प्रतीक गडेकार आनी परेश नायक संगीतसाथ करतले. 7.30 वरांचेर गायक कलाकार अंतरा कुलकर्णी आनी अनिकेत हुड्डीकार हांची गीत बहार ही संगिताची कार्यावळ जातली. रातच्या 12 वरांचेर ‘मायाजाल’ हो शांतादुर्गा दशावतारी नाट्यमंडळा वतीन नाट्यप्रयोग जातलो.

शेनवारा 3 जानेवारीक सकाळीं 10 वरांचेर देवस्थाना वतीन श्री सत्यनारायण महापुजा जातली. सांजेच्या 5.30 वरांचेर पांडुरंग राऊळ, विठ्ठल शिरोडकार, प्रल्हाद गांवस हांची भजनाची कार्यावळ जातली. तांकां अमोल गांवस, स्वप्नील राऊळ, निशिकांत कळंगूटकार साथसंगत करतले. सांजेच्या 7.30 वरांचेर केतन साळगांवकार प्रस्तूत फुलले रे क्षम माझे ही संगिताची कार्यावळ जातली. तातूंत प्रणय पवार (मुंबय) समृद्ध चोडणकार, कल्पा सायनेकार, माधवी मडगांवकार हे गायक वांटो घेतले. तांकां यतीन तळावलीकार, विष्णू शिरोडकार, केतन साळगांवकार, अवधूत च्यारी, रोहन नायक आनी श्रृती हजारे हे संगीतसाथ करतले.

आयतारा 4 जानेवारीक सकाळीं 10 वरांचेर म्हापशें पिकअप चालक असोसिएशना वतीन श्री सत्यनारायण महापुजा जातली. सांजेच्या 5.30 वरांचेर मंथन किनळेकार आनी प्रेमनाथ पाळणी ह्या गायकांची संगीत संध्या ही संगिताची कार्यावळ जतली. तांकां शरद पाळणी, विकास नायक आनी संजय रेडकार हे साथसंगत करतले. सांजेच्या 7.30 वरांचेर गायक नवाब शेख आनी हर्षा सावंत वळवकार हांची स्वरधारा ही संगिताची कार्यावळ जातली. तांकां रोहीत बांदोडकार, मनोहर ताम्हणकार, प्रकाश पेडणेंकार, दिगज बेणे आनी मानसी वाळवे हे कलाकार संगीतसाथ करतले.

सोमारा 5 जानेवारीक सकाळीं 10 वरांचेर म्हापशें नुस्तें विक्रेत्यां वतीन श्री सत्यनारायण महापुजा जातली. सांजेच्या 5 वरांचेर 5 ते 9 आनी 10 ते 14 ह्या पिराय गटांतल्या भुरग्यां खातीर वेशभुशा सर्त जातली. सांजेच्या 7 वरांचेर निधी संके प्रस्तूक निधी स्कूल ऑफ डान्स वतीन भरतनाट्यमाची कार्यावळ जातली. रातच्या 8.30 वरांचेर गायक ऋषिकेश साने आनी हर्षा गणपुले हांची स्वर अनंत ही संगिताची कार्यावळ जातली. तांकां सुनाद कोरगांवकार, अमेय पटवर्धन, शुभम सावंत आनी आदित्य गांवकार हे साथसंगत करतले.

मंगळारा 6 जानेवारीक सकाळीं 10 वरांचेर म्हापशें रिक्षा चालक असोसिएशना वतीन (कदंब बसस्टॅण्ड) श्री सत्यनारायण महापुजा जातली. सांजेच्या 5.30 वरांचेर मोरजेची श्वेता शेटगांवकार आनी सांगात्यांची नृत्यमार्ग ही शास्त्रीय भरतनाट्यम कार्यवळ जातली. 7.30 वरांचेर ओंकार शेटगांवकार आनी शारदा शेटकार हांची स्वर गंधार ही संगिताची कार्यावळ जातली. तांकां कार्तीक च्यारी, दत्तराज च्यारी, सत्यम नायक, दीप्तेज रेवोडकार हे कलाकार संगीतसाथ करतले.

बुधवारा 7 जानेवारीक सकाळीं 10 वरांचेर म्हापशें पालिके वतीन श्री सत्यनारायण महापुजा जातली. सांजेच्या 5.30 वरांचेर नवदुर्गा भजन मंडळ बोरी वतीन संगिताची कार्यावळ जातली. 7.30 वरांचेर गायक विनय महाले आनी स्वराली जोशी (पुणे) हाची सूर ईश्वर ही संगिताची कार्यावळ जातली. तांकां संकेत खलप, दत्तराज सुर्लकार, प्रसाद कळंगूटकार, राहूल खांडोळकार आनी मानसी वाळवे संगीतसाथ करतले. रातच्या 10 वरांचेर क्रिएटीव्ह ग्रूप मुळगांव वतीन दांडिया नाच जातलो. बिरेस्तारा 8 जानेवारीक सकाळीं 10 वरांचेर म्हापशें भाजी विक्रेत्यां वतीन श्री सत्यनारायण महापुजा जातली. सांजेच्या 5.30 वरांचेर रक्षंदा आमोणकार प्रस्तूत आराधना नृत्य कला केंद्रा वतीन शास्त्रीय आनी उपशास्त्रीय नाच सादर करतले. 7.30 वरांचेर गायक तेजस वेर्णेंकार, गौतमी हेदे बांबोळकार, जेनी तोरसकार हांची सांज सुरांची ही संगिताची कार्यावळ जातली. तांकां मनोहर ताम्हणकार, प्रकाश पेडणेंकार, तुकाराम गोवेकार, श्रृती चोडणकार, मांगल्या कोचकार आनी गोविंद भगत हे साथसंगत करतले. हे कार्यावळी उपरांत जात्रेचो समारोप जातलो.