बोटांची हालचाल करात, ना तर जावंक शकता ‘ट्रिगर फिंगर’
भांगरभूंय | प्रतिनिधी
मोबायल, संगणक, टॅबलेट सारकिल्ले गॅजेट्स आमच्या दिसपट्ट्या जिणेचो म्हत्वाचो भाग. आमचीं बोटां दीसभर फोनाच्या स्क्रीनाचेर वा कीबोर्डाचेर सतत आसतात. देखून बोटां बरोच वेळ वांकून उरतात आनी बोटाक तशींच सवय पडटा. हाका लागून तुमच्या बोटांक समस्या जावंक शकता जाका ‘ट्रिगर फिंगर’ म्हण्टात. ह्या विकाराक लागून बोटां दोडपाक आनी सरळ करपाक त्रास जाता. सेगीत हालचालींक लागून बोटांचीं कडा सुजतात आनी बोटां सतत एकाच स्थितींत उरतात जाका लागून ‘ट्रिगर फिंगर’ जाता.
‘ट्रिगर फिंगर’ म्हणल्यार कितें?
ट्रिगर फिंगर हो एक विकार आसून तातूंत तुमचीं बोटां वांकडे स्थितींत आडकतात. हाका लागून बोटां हालोवपाक वा सरळ करपाक त्रास जाता. तेच स्थितींत उरिल्ल्यान बोटां सरळ करतना आवाज येता. हे स्थितीत बोटांचीं कडा सुजतात आनी ताका लागून तीं सरळ करपाक खूब त्रास जाता. हो विकार एक वा चड बोटांक जावं येता.
लक्षणां…
० बोट बागयतना वा सरळ करतना क्रॅकचो आवाज येवप.
० बोटां सुजप.
० खंयचीय वस्त हातांत धरपाक त्रास जावप.
० बोटां सरळ जायनात, वाकडी उरप.
रिस्क फॅक्टर्स…
० शेती, बागकाम वा संगणकाचेर चड वेळ काम करप
० पियानो सारकें वाद्य वाजोवप
० गोडेंमूत
० थायरॉयड
० संधिवात जावप
उपाय….
० स्ट्रेचिंग व्यायाम करात : हाका लागून बोटांतली घटसाण उणी जातली आनी हालचालींक लागून हात आनी बोटांचे स्नायू बळिश्ट जातले. काम करतना बोटां चड वेळ एकाच स्थितींत दवरूं नाकात. तांका मदीं मदीं स्ट्रेच करात.
० बोटांक आराम दियात : टायप करतना जखमी बोटांचो चड वापर करचो न्हय. तशेंच कांय वेळान मदीं हातांक विसव दिवचो.
० अनुकूल साधनांचो वापर : सॉफट प्रोटेक्टिव्ह कव्हरिंगचो वापर करात. ताका लागून बोटांचेर ताण उणो जाता आनी सुजय उणी जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
