भांगरभूंय | प्रतिनिधी
भांगरभूंय । प्रतिनिधी
पणजी : सांताक्रुजाच्या 200 मीटर वाठारांत (परिघात) कसल्याय प्रकारच्या बांदकामाक परवाने दिवचे न्हंय, अशें निर्देश नगरनियोजन खात्याक दिल्या. हे विशींचो निर्णय नगरनियोजन मंडळाच्या बसकेत जातलो. बोंडवेल तळ्याचो बफर झोन निश्चित करपाची जापसालदारी पाणथळ प्राधिकरणाची आसा, अशें नगरनियोजन मंत्री विश्वजित राणे हांणी स्पश्ट केलां.
बोंडवेल तळ्याच्या वाठारांत बांदकामांक मान्यताय दिवची न्हय, अशी मागणी सांताक्रुज ग्रामस्थांनी केल्या. बोंडवेल वेवस्थापन समितीचे अध्यक्ष आर्थुर डिसोझा, इनासियो पेरेरा आनी हेर ग्रामस्थांनी सोमारा नगरनियोजन मंत्री विश्वजित राणे हांची भेट घेतली. नगरनियोजन मंत्र्यांनी ठोस आस्वासन दिल्ले खातीर ग्रामस्थांनी मंत्र्यांचे उपकार मानले.
कायद्या प्रमाण सरकार वा नगरनियोजन खातें निर्णय घेता. बोंडवेल तळ्याचो बफर झोन 200 मीटर आसा. हाका लागून 200 मीटर वाठारांत बांदकामांक मान्यताय दिवचे ना. हे विशींचो अधिकृत निर्णय नगरनियोजन मंडळाच्या बसकेत जातलो. बफर झोन कितलो आसचो हाचो निर्णय पाणथळ प्राधिकरण घेतले. बफर झोन 150 मीटर करपाची मागणी आसा. मात हो विशय नगरनियोजन खात्याच्या अखत्यारीत येना. बोंडवेल तळ्याच्या वाठारांत बोरवेल खणपाचे यत्न सुरू आसा, अशें ग्रामस्थांनी सांगलें. बोरवेलीक मान्यताय नगरनियोजन खाते दिना. नगरनियोजन खातें नेमाप्रमाण मान्यताय दिता. लोकांच्या हेताचो विचार करून सरकारान कायदे तशेंच नेम तयार केल्या, अशें नगरनियोजन मंत्री विश्वजित राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
