भांगरभूंय | प्रतिनिधी
मुंबय, खबरां संस्था: बॉलिवूड अभिनेतो सैफ अली खानाचेर बुधवारा रातीं अडेज वरांचेर मुंबयच्या खार हांगच्या ताच्या घरांत सुर्यान हल्लो केलो. सैफाचे मानेर, फाटीचेर, हातार आनी हाताचेर सुर्यान हल्ले केल्यात. सैफाक रातच्या सुमार ३.३० वरांचेर लीलावती हॉस्पिटलांत हाडलो. हांगा ताचेर शस्त्रक्रिया केली.
लीलावती हॉस्पिटलाचे सीओओ डॉ. नीरज उत्तमानी हांणी, सैफाचेर स फावटीं वार केल्यात. तांतल्यो दोन घावे खोल आसात. फाटीच्या कण्या लागसारा एक जखम आसा अशें तांणी सांगलें.
हल्लो करपाचें कारण कितें?
सैफचे टीमचें अधिकृत वक्तव्य : सैफ अली खानच्या घरांत चोरी करपाचो यत्न केल्ल्याचें सांगलें. सध्या डॉ. लीना आनी डॉ. नितीन डांगे हीं लीलावती हॉस्पिटलांत सैफाचेर उपचार करतात. ह्या हल्ल्यांत सैफच्या घरांतलो एक कर्मचारीय जखमी जाला. आमी मीडिया आनी फॅन्सां कडेन मागणी करतात की अशे परिस्थितींत आमकां साथ दिवची. हें पुलीस पळोवन घेतले. आमी तुमकां अपडेट दीत रावतले.
डीसीपी दीक्षित गेडाम हांचें विधानः सैफ अली खान खारच्या फॉर्च्युन हायट्सांत रावता. काल रातीं उसरां एका मनशान सैलच्या घरांत घुसून ताचे वावराडे वांगडा वाद घालो. जेन्ना अभिनेत्यान त्या मनशाक शांत करपाचो यत्न केलो तेन्ना तांणी सैफाचेर हल्लो करून ताका जखमी केलो.
हल्ल्या वेळार करिना खंय आशिल्ली हें खबर ना
हल्ल्या वेळार कुटुंबांतले हेर वांगडी खंय आशिल्ले हाची म्हायती सध्या उपलब्ध जावंक ना. करिश्मा कपूरान ९ वरां पयलीं इंस्टाग्रामाचे स्टोरीचेर एक पोस्ट शेअर केल्ली. तिणें भयण करिना, इश्टीण रिया आनी सोनम कपूर सयत पार्टी केली. त्या तिगांयनी वांगडा जेवण केलें. करिनानूय आपले भयणीची पोस्ट आपल्या अकावंटाचेर परत पोस्ट केली. सध्या मुंबय पुलिसांनी सैफच्या घरांतल्यान तिगांक चौकशे खातीर पुलीस स्टेशनांत व्हेल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
