भांगरभूंय | प्रतिनिधी
एकाच दिसांत 19 दुयेंती मेळ्ळें, 35 सक्रीय दुयेंती
बेळगांवः देशभरांत परतून एक फावट व्हड प्रमाणांत कोरोनाची म्हामारी पातळपाक सुरवात जाल्या. बेंगळुरूंतल्या 9 म्हयन्यांच्या भुरग्याक कोरोना व्हायरसाची लागण जाले उपरांत आतां कोविड बेळगांवांत पावलो.
बेळगांवच्या 27 वर्सां पिरायेच्या गुरवार बायलेक कोरोनाची लागण जाल्या. तिका खाजगी हॉस्पिटलांत व्हेलां. फाटल्या म्हयन्यांत ही गुरवार बायल पुणें, महाराष्ट्रांत गेल्ली अशें कळटा. महाराष्ट्रांत कोरोना दुयेंतींचो आंकडो पयलींच वाडलां आनी 50 दुयेंती मेळ्ळ्यांत. कोरोनाक लागून तीन जाणांक मरण आयलां.
आतां बेळगांव जिल्ह्यांतूय कोरोना व्हायरसाचो प्रकोप सुरू जाला. काल कर्नाटकांत एकाच दिसा 19 दुयेंती सांपडले आनी 35 सक्रीय दुयेंती आसात. बेळगांव जिल्लो वैजकी अधिकारी डॉ.एच.पी.गडाद हांणी पत्रकार परिशदेंत ही म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
