भांगरभूंय | प्रतिनिधी
भांगरभूंय । प्रतिनिधी
बेळगांवः बेळगांव शारांत 9 तें 11 जून मजगतीं आंतरराष्ट्रीय पत्रकार परिशद जातली. देश- विदेशांतले सुमार 300 पत्रकार हे परिशदेंत वांटो घेतले. कर्नाटक श्रमिक पत्रकार संघटनेन आयोजीत केल्ले हे परिशदेंचें उक्तावण कर्नाटकाचे मुख्यमंत्री सिद्धारामय्या करतले.
कर्नाटक पत्रकार संघटनेचो बेळगांव जिल्हो अध्यक्ष दिलीप कुरूंदवाड हाणे एके पत्रकार परिशदेंत ही म्हायती दिली. परिशद नेहरुनगर हांगच्या केएलई आंतरराष्ट्रीय कन्व्हेन्शन सेंटरांत जातली. श्रीलंकेचो पर्यटन मंत्री भुवनेका हरथ, श्री लंका पर्यटन राजदूत आनी आदलो क्रिकेटीयर सनथ जयसूर्या हे परिशे खातीर येतले. पर्यावरण आनी प्रसार माध्यमां हि हे परिशदेची थीम आसतली अशें कुरुंदवाड हाणे सांगलें.
परिशदेक कर्नाटकाचे मंत्री सतीश जाकीरहोळी, लक्ष्मी हेब्बाळकर, उद्देजक संजय घोडावत, दक्षीण कोरियाची गितिका तालुकदार, नेपाळचे सामिजा पावडेल आनी हेर आंतरराष्ट्रीय प्रतिनिधी वांटेकार जातले. परिशेंद विदेशांतले सुमार 30 पत्रकार वांटो घेतले. 11 जूनाक ते गोंय अभ्यास भोंवडेर वतले अशी म्हायती कुरुंदवाड हाणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
