भांगरभूंय | प्रतिनिधी
भांगरभूंय । प्रतिनिधी
बेळगांवः बेळगांवांत आयोजीत केल्ल्या ताल जल्लोश-2022 हे आंतरराज्या सांस्कृतीत सर्तींत उसगांवच्या शिवसंस्कृती धोल पंगडान पयलें इनाम मेळयलें. सर्तींत उत्तर कर्नाटक आनी दक्षीम महाराष्ट्रांतल्या पंगडांनी वांटो घेतिल्लो. इनाम म्हणून शिवसंस्कृतीक रोख 1 लाख 11 हजार आनी करंड मेळ्ळो. उत्तर बेळगांवचो आमदार अनिल बेनके हांणी सरदार हायस्कूल मैदानार ही सर्त फाटल्या आयतारा आयोजीत केल्ली. धोल, तासो आनी हलगी नाच सर्तकांनी सादर केल्ले. सर्त पळोवपाक आयिल्ल्यांनी गोंयच्या पंगडाक भरपूर दाद दिली. परीक्षकांनी लेगीत उठून ताळयो वाजोवन तांच्या सादरीकरणाक दाद दिली.
उसगांवच्या उपासना हे चलयेक ताल जल्लोश-2022 सर्तींत उत्कृष्ट ड्रमर व्हो पुरस्कार फावो जालो. सेगीत 18 मिनटा धोल वाजोवन ताणे हजर आशिल्ल्यांची मना जिखलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
