बेबी पावडराक लागून कॅन्सर?
भांगरभूंय | प्रतिनिधी
भांगरभूंय । खबरां संस्था
भुरग्यांची कात खूब नाजूक आसता. ताची सारकी जतनाय घेतली ना वा चुकीचें उत्पादन वापरलें जाल्यार ताचे परिणाम कितें जावंक शकतात हाची कल्पना लेगीत करुंक शकना. अशेंच एक प्रकरण उजवाडाक आयला. ज्यातूंत एके कंपनीचेर तांच्या पावडराक लागून मनशाक कॅन्सर जाल्ल्याचो आरोप केला. आतां न्यायालयान कंपनीक 154 कोटी रुपया दंड भरपाचो आदेश दिला.
हे प्रकरण जॉन्सन अँड जॉन्सन हे नामनेच्या कंपनीचें. ही कंपनी ल्हान भुरग्यां खातीर पावडर तयार करपाक संवसारभर फामाद आसा. ह्या प्रकरणांत अमेरिकेच्या न्यायालयान कंपनीक एके व्यक्तीक 154 कोटी रुपया दंड भरपाचो आदेश दिला. जॉन्सन अँड जॉन्सन बेबी पावडराक लागून कॅन्सर जाला असो आरोप करून ह्या मनशान कंपनीचेर खटलो दाखल केल्लो.
अँथनी हर्नांडेझ व्हॅलाडेझ हाणें कंपनीचेर खटलो दाखल केलो आनी पावडर चड काळ वापरिल्ल्यान आपणाक छातये लागसार मेसोथेलियोमा हो कॅन्सर जालो अशें ताणें न्यायालयांत सांगलें.
कंपनीन न्यायालयांत स्पश्टीकरण दिलें. जॉन्सन अँड जॉन्सनच्या अधिकाऱ्यांनी कंपनीची पावडर पुरायपणान सुरक्षीत आसा, कारण ती खाशेल्या धव्या बाटल्यांनी पॅक करून विकतात अशें सांगलें. अशे तरेचे सुरक्षे उपरांत आमच्या उत्पादनांतल्यान कोणाकूच कॅन्सर जावंक शकना. हाचे आदीं जॉन्सन अँड जॉन्सनाच्या उत्पादनां संबंदीत कांय प्रकरणां मुखार आयल्यात. जातूंत कंपनीक लुकसाण भरपाय करची पडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
