भांगरभूंय | प्रतिनिधी
फोंडें: बोणबाग- बेतोडेंच्या धोक्याचें वोल्त आशिल्ल्या रस्त्याचेर टेंम्पो आनी गाडयेचो मंगळारा सकाळीं अपघात जालो. गाडयेंत कर्नाटकांत देवदर्शना खातीर वचपी प्रवासी आशिल्ले. कोणाक कांय जावंक ना. फोंडें पुलिसांनी अपघाताचो पंचनामो केलो.
बोणबाग रस्त्यार जीए- ०५- टी – ०८३३ नंबराचो टेम्पो डिवायडरा कडेन वोल्त घेतालो. तेन्ना वास्कोच्यान प्रवाशांक घेवन कर्नाटकांत देवदर्शना खातीर वचपी जीए- ०६- एफ- ३८८१ क्रमांकाचे गाडयेचो धपको टेम्पोक बसलो. गाडयेंत णव प्रवासी आशिल्ले. तांकां कांय जावंक ना. अपघाताची म्हायती मेळ्ळे उपरांत फोंडेंचे सहाय्यक उपनिरीक्षक मडसो गांवकार हांणी घडणुके सुवातेर वचून पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
