भांगरभूंय | प्रतिनिधी
म्हापशें: बेतीं मांडवी पुला सकयल पर्वरी पुलिसांनी धाड घालून 1.75 लाखांचो पावणेदोन कील गांजो जप्त केलो आनी दुबावीत आरोपी मोहम्मद पतरू सरकार (30 रा. अस्तंत बंगाल) हाका अटक केली.
पुलिसांनी ही कारवाय बिरेस्तारा दनपारां केली. बेती पुला सकयल ड्रग्साचो विक्री वेव्हार जातलो अशी म्हायती पुलिसांक मेळिल्ली. ते प्रमाण सांपळो रचून दुबावीत आरोपीक पुलीस पंगडान धरलो.
झडटे वेळार दुबाविता कडेन 1 कील 745 ग्राम वजनाचो गांजो सांपडलो. ह्या गांज्याचें मोल 1 लाख 75 हजार रुपया आसा. उपरांत दुबाविता आड घुंवळे वखदां प्रतिबंधक कायद्या खाला गुन्यांव नोंद करून ताका रितसर अटक केली.
पुलीस अधिक्षक अक्षत कौशल, अपअधिक्षक विश्वेश कर्पे आनी निरिक्षक राहूल परब हांंच्या मार्गदर्शना खाला उपनिरिक्षक मयूर सावंत, कॉन्सटेबल तुषार रावत, वरीश कुंकळकार, नितेश गावडे आनी गितेश शेटगांवकार ह्या पंगडान ही कामगिरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
