भांगरभूंय | प्रतिनिधी
पणजी, जाॅन आगीयार : ‘बेटर मॅन’ ह्या सिनेमाचो निर्मातो पॉल कॅरी आनी मुखेल अभिनेत्री राचेल नॅनो हांणी आयज मिडिया ब्रीफिंगांत विचार मांडले. भारताच्या ५५ व्या आंतरराष्ट्रीय चित्रपट महोत्सवांत सुरवातेचें फिल्म म्हणून दाखयल्या उपरांत तांणी पत्रकारां कडेन संवाद सादलो.
‘संवसार रॉबीक कसो पळयता हाचेर न्हय, तर रॉबी स्वताक कसो पळयता हाचेर हो सिनेमा आसा’ अशें क्यूरीन हांणी सांगलें. ह्या आदरणीय मंचाचेर चित्रपट सादर करपाची उमेद तांणी उक्तायली. इफ्फी म्हजे खातीर व्हड म्हत्व दवरता अशें रेशेल बान्नो हांणी सांगलें, आनी हो सिनेमा तुमकां सगळ्यांक सादर करपाक म्हाका खोस भोगता अशें तांणी फुडें सांगलें.
फिल्म निर्मातो मायकल ग्रेसी हांणी दिग्दर्शीत केल्लो ‘बेटर मॅन’ हो संगीत बायोपीक. रॉबी विल्यम्साचे नदरेन हो सिनेमा अद्वितीय रितीन सांगला, विल्यमसान स्वता ताची अदमती भावना, आनी माचयेर विद्युतीकरण करपी एक मंत्रमुग्ध करपी सादरीकरण केलां.
‘बेटर मॅन’ रॉबी विल्यम्साच्या जिविताचें सार धरून ताच्या भौशीक व्यक्तिमत्वाच्या आनी खाजगी संघर्शांचें द्वैत सोदून काडटा. प्रेक्षक ताच्या सुपरस्टारपदाच्या उदरगतीचो फाटोफाट वतात तेन्ना तांकां ताच्या अंतर्निरीक्षण संवसारांत आपयतात-संगीतांत सांत्वन सोदपाचो प्रवास, आनी खर्या अर्थान जगप म्हणल्यार कितें हाची नवी व्याख्या करप. ‘द ग्रेटेस्ट शोमन’ (२०१७) ह्या सिनेमांतल्या वावराक लागून नामना मेळिल्लो मायकल ग्रेसी दृश्टीन अदभूत असो चित्रपट दिता. रॉबी विल्यम्स मुखेलपणान आशिल्ले कथेची प्रामाणीकता आनी जिवेंपण अतुलनीय आसा, प्रेक्षकांक आख्यायिकेच्या आत्म्याची झलक मेळटा तितली केन्नाच नाशिल्ली.
ब्रिटीश पॉप आख्यायिका रॉबी विल्यम्साच्या ह्या संगीत चरित्रांत विल्यमसाचो रोल केला-आकर्शक जीवंतपणान-विलियम्स सोडून हेर कोणूच ना! रॉबीचे नदरेन अद्वितीय रितीन सांगिल्ल्या ह्या सिनेमांत ताची सिग्नेचर बुद्धी आनी अदमती भावना धरल्या. हें रॉबीच्या भुरगेपणांतल्यान, चार्टांत पयल्या क्रमांकाचेर आशिल्ल्या बॉयबँड टेक दॅटाचो सगळ्यांत तरणाटो वांगडी जावपा मेरेन, विक्रमी एकल कलाकार म्हणून ताच्या अतुलनीय कृती मेरेनच्या प्रवासाक पाळो दिता.
‘बेटर मॅन’ हो सिनेमाच्या म्हळ्यार अंदूं ईफींतलो एक याद उरपी सिनेमा म्हणून ताची नोंद जातली. हाजीर आशिल्ल्यांनी ह्या सिनेमाची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
