भांगरभूंय | प्रतिनिधी
मडगाव : दक्षीण गोंयच्या बेकायदेशीरपणान रेंव उसपुपाचे प्रकार आडावपाक दक्षीण गोंय जिल्लोधिकार्यांनी म्हाल पांवड्यार भरारी पंगड स्थापन केला. नागरिकांक बेकायदेशीरपणान रेंव उसपपा विशीं भरारी पंगडा कडेन कागाळ करची अशें तांणी सांगलां.
दक्षीण गोंय जिल्लोधिकारी एग्ना क्लिटस हांणी म्हाल पांवड्यार भरारी पंगड स्थापन केला. हातूंत साश्टी, केपें, फोंडें, काणकोण, धारबादोडें, सांगें आनी मुरगांव म्हालांत मामलेदारांची भरारी पंगडांत नेमणूक केल्या. ह्या पंगडाच्या वांगड्यां वांगडा जिल्लोधिकारी एग्ना क्लीटस, हांणी बसका घेतली. तातूंत उपजिल्लोधिकारी, मामलेदार आनी तलाठी हांचे सयत सरकारी अधिकार्यांक रेंव उसपुपाचेर नदर दवरपाचे, योग्य कायदेशीर कारवाय करपाचे निर्देश दिल्यात.
बेकायदेशीर रेंव उसपुपाच्या खंयच्याय घटनेची कागाळ म्हाल पांवड्यावेल्या भरारी पंगडाक कॉल करून वा व्हॉट्सऍप संदेशां वरवीं दिवची (फोटो सयत 30 उतरां मेरेन) , असो उलो नागरिकांक मारला
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
