भांगरभूंय | प्रतिनिधी
मडगांव : कोलवाच्या जमनीच्या वादांतल्यान बेकायदेशीर जमाव करुन कामगारांक धमकायले. तशेंच आर्किटेक्टाक मारपेट केली. ह्या प्रकरणांत कोलवा पुलिसांनी दुबावीत आंतानियो रॉड्रिग्स हांचेर गुन्यांव दाखल केलो.
मेळिल्ले चड म्हायती प्रमाण, कागाळदार शुभ्रांशू गुप्ता (रा. नोयडा, सध्या रा. कोलवा) हांच्या व्हिलाचे नितळसाणेचें काम मानाय करतना ३० जानेवारीक सकाळीं साडेइकरा वरांचेर ही घडणूक घडली. दुबावीत आंतोनियो हांणी हेर कांय मनशां सयत बेकायदेशीर जमाव करीत गुप्ता हांचे मालमत्तेंत प्रवेश केलो. ह्या वेळार दुबावितांनी हांगा काम करपी मजुरांक वायट उतरां दिवन मारून उडोवपाची धमकी दिवन तांकां काम करपा पसून आडायले. ह्याच वेळार कागाळदार गुप्ता हांचे वांगडी तशेंच सायट आर्किटेक्ट अशित अग्रवाल हांणी ह्या प्रकरणा मदीं येवपाचो यत्न केलो तेन्ना दुबावीत रॉड्रिग्स हांणी ताचो हात पिळून तांकां शरिरीक दुखापत केली. मालमत्तेच्या फाटल्यांनच्यान वचपी रस्त्यावेल्यान हो वाद जालो. ह्या प्रकरणांत कोलवा पुलिसांनी दुबावितां आड गुन्यांव नोंद केला. कोलवा पुलीस निरीक्षक विक्रम नायक हांच्या मार्गदर्शना खाला तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
