भांगरभूंय | प्रतिनिधी
-तटरक्षक दळ पोलिसांं कडेन मंंत्र्यांंची बसकापणजी : गोंयांत भायल्या राज्यांतल्या नुस्तेमाऱ्यां कडल्यान मोट्या प्रमाणात नुस्तेमारी जाता. हाचेर नियंत्रण दवरपा खातीर खासा वेवस्था जातली. खासा वेवस्थे खातीर तटरक्षक दळ तशेंच दर्यादेग वाठारांतल्या पुलिसांची बसका नुस्तेमारी खात्याचे मंंत्री निळकंंठ हळर्णकार हांंणी घेतली. कर्नाटकाच्या नुस्तेमारी खात्याच्या संंचालकांं कडेन हांंवे चर्चा केल्या, अशेंं निळकंंठ हळर्णकार हांंणी सांंगलें.
गस्ती खातीर बोटी नाशिल्ल्यान पर्यायी वेवस्था करतलें, अशें हळर्णकार हांणी सांगलें.
कारवार तशेंच शिमे वयले नुस्तेमार गोंयच्या हद्दीत आशिल्ल्या दर्यांत नुस्तेमारी करतात. मालपें वाठारांत दोडामार्ग, सावंतवाडी वाठारांतले नुस्तेमार गोंयच्या दर्यांत नुस्तेमारी करतात. हद्दीचेर खाजगी बोटी दवरून शिमे विशीं म्हायती कर्नाटक तशेीच महाराष्ट्रांतल्या नुस्तेमाऱ्यांक दितले. ह्या शीमे फुडें नुस्तेमारी करची न्हय, अशी समज तांका दितले, अशें नुस्तेमारी खात्याचे मंत्री निळकंठ हळर्णकार हांणी सांगलें.
रापणकारांचो एकवटचो मुखेली ओलेंसियो सिमोयस हाचे फुडारपणा खाला नुस्तेमाऱ्यांनी बेकायदाे नुस्तेमारी विशीं कागाळ केल्या. एलईडी नुस्तेमारी तशेंच बेकायदाे नुस्तेमारीचें प्रमाण वाडत आसा. हाका लागून गोंयच्या नुस्तेमाऱ्यांक नुस्तें मेळना. हाचो परिणाम तांच्या वेवसायाचेर जावपाक लागला. कांय नुस्तेमार पयस दर्यांत बेकायदाे नुस्तेमारी करपी नुस्तेमाऱ्यांक धरपाचो यत्न करतात. हातूंत तांच्या जिविताक धोका निर्माण जावंक शकता.
हाचेर उपाय काडपा खातीर तटरक्षक दळ पुलिसांं सयत बसका जाली. भायल्या राज्यांतल्यान जे ट्रॉलर गोंयच्या हद्दीत येतात, तांंचो नंंबर दिवचो, अशें कर्नाटकान कळीत केलांं. कर्नाटकाच्या नुस्तेमारी खात्यान हे विशीं परिपत्रक जारी केलां.
बेकायदाे नुस्तेमारी असो प्रकार ना. 12 नॉटीकल मायल्स मेरेन खंयचोय ट्रॉलर नुस्तेमारी कपाक शकता, अशें तटरक्षक दळाचे डीआयजी मनोज भताई हांंणी सांंगलें. गोंयचे ट्रॉलर कर्नाटकाच्या हद्दीत नुस्तेमारी करपाक शकतात. तरी लेगीत नुस्तेमारीचेर नियंंत्रण हाडपाचेर चर्चा जाली, अशें तांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
