भांगरभूंय | प्रतिनिधी
पणजी ः कर्नाटकांतल्या बेंगळुरू-मंगळुरू म्हामार्गाचेर मंड्या हांगा फॉर्च्यूनर मोटार आनी लॉरी ट्रका मदीं भिरांकूळ अपघात जालो. ह्या अपघातांत आल्तो पर्वरी रावपी रोस वाझ आनी डॅरील वाझ ह्या सख्ख्या भावांक मरण आयलें. जाल्यार मोटार तालक नॅथन वाझ आनी नील फारिया किरकोळ जखमी जाले. चारूय जाण गोंयच्यान कोयंबतूर वताले.
मेळिल्ले म्हायती प्रमाण, बेंगळुरू-मंगळुरू म्हामार्गाचेर मंड्या हांगा पावतकच मुखारल्यान येवपी लॉरी ट्रकान फॉर्च्यूनर मोटारीक डावे वटेनच्यान नेटान धपको दिलो. रोस वाझ आनी डॅरील वाझ दोगूय डावे वटेन बशिल्लें. ताका लागून तांका मरण आयिलें. मोटार चालक नॅथन हो मरण आयिल्ल्या डॅरील हांचो पूत. जाल्यार नील फारिया हो म्हापश्यांतलो उद्देजक.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
