भांगरभूंय | प्रतिनिधी
मुखेली हरमनप्रीत सिंग हाच्या दोन गोलां नेटार भारतान ऑलिम्पीक वस्ताद बॅल्जियमाक 5-1 अशा व्हडा फरकान हारोवन एफआयएच प्रो लिगेंत दोन मॅची हारी उपरांत जबरदस्त पुनरागमन केलें.
मिडफिल्डर विवेक सागर प्रसादान मॅचीच्या पयल्याच मिनटाक भारताक आघाडी मेळोवन दिली. ते उपरांत हरमनप्रीत हाणें 20व्या आनी 29व्या मिनटाक पॅनल्टी कॉर्नरा वरवीं गोल करून भारताची आघाडी 3-0 अशी केली.
अमित रोहिदासान 28व्या मिनटाक आनी दिलप्रीत सिंगान 59व्या मिनटाक गोल केलो. बॅल्जियमान चवथ्या क्वॉर्टरांतल्या पयल्या मिनटाक गोल केलो. विलियम घिसलेनान आपल्या पंगडाचें खातें उगडलें.
भारत प्रो लीग गुणतकट्यांतली पयली सुवात मेळोवन युरोपांत पाविल्लो. पूण, युरोपीय टप्प्यांतले सुरवातीचे मॅचींत बॅल्जियमा कडल्यान 1-2 असो हारलो. उपरांत ब्रिटना कडल्यान 2-4 फरकान हार घेवची पडली. भारत आतां आयज परतून ब्रिटना आड खेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
