भांगरभूंय | प्रतिनिधी
बुलढाणा, खबरां संस्था: महाराष्ट्राच्या बुलढाणा जिल्ह्यांत एक विचीत्र अपघात घडलो. हातूंत पांच जाणांक जीव वगडावचो पडलो. जाल्यार २४ जाण जखमी आसात. शेगांव- खामगांव महामार्गार खासगी बस, एसटी बस आनी मोटार अशा तीन गाडयांचो अपघात जालो.
चड म्हायती प्रमाण, आयज सकाळीं साडेपांच वरांचेर बोलेरो गाडयेन पुण्याच्यान परततना एसटी बसीचेर धपको दिलो. उपरांत फाटल्यान येवपी खासगी प्रवासी बसीनूय अपघात जाल्ल्या वाहनांक धपको दिलो. ह्या अपघातांत पांच जाणांक मरण आयलें.
म्हायती मेळ्ळे उपरांत पुलिसांनी घडणुके सुवातेर वचून थळाव्यांचे मजतीन मजत कार्य सुरू केलें. शेगाव- खामगाव महार्गावरील जयपूर लांडे फांट्या मुखार हो अपघात घडलो. थळाव्यांनी अपघाताची वेळार म्हायती दिल्ल्यान जखमींचेर बेगोबेग उपाय करप शक्य जालें, अशें पुलिसांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
