भांगरभूंय | प्रतिनिधी
खबरां संस्था
चैन्नयः भारताच्या सयूय पंगडांनी बुद्दिबळ ऑलिम्पियाड सर्तीत आपली चमकदार कामगिरी सुरू दवोरतना जैताची हॅट्ट्रिक केली. उक्त्या विभागांत दुसरो सिडेड भारताच्या अ पंगान ग्रीसाचेर 3-1 अशी मात केली. पयल्या पटा वयल्या पी हरिकृष्णान दिमित्रिसय मास्ट्रोवासिलिसाक हारयलें. तशेंच तरणाट्या अर्जुन इरिगेसीनान अथानासिओस मास्ट्रोवासिलिसाक 51वे चालींत हारयलें. विदित गुजराथी आनी के शशिकिरण हांकां मात बोरोबोरीचेर खोशी रवचें पडलें.
भारताच्या ब पंगडान सेगीत तिसऱ्या प्रतिस्पर्ध्यांक 4-0 अशें हारोवपाची कामगिरी केली. तांणी स्वित्झलंडाक 3-1 अशें हारयलें. एस पी सेतुराम आनी अभिजीत गुप्ता हांकां जैत मेळोवपाक येश मेळ्ळें. मात सूर्यशेखर गांगुली आनी अभिमन्यू पुराणीक हांका संघर्शा उपरातूंय बोरोबोरीत खोस मानची पडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
