भांगरभूंय | प्रतिनिधी
विशय कितें आशिल्ले? वाचात…
पणजी : रस्तो मार्गान कर्नाटकाक वचपा खातीर बिरेस्तारा गोंयच्या दाबोळी विमानतळार देंविल्ल्या भाजपाचे राष्ट्रीय सरचिटणीस बी. एल. संतोष हांची मेळून भाजप प्रदेशाध्यक्ष दामू नायक हांणी तांचे कडेन पक्षा भितर बदल आनी राज्यांतल्या राजकी स्थिती विशीं साडेचार वरां चर्चा केली. उपरांत संतोष शुक्रारा सकाळीं कुमठा- कारवारा गेले.
संतोष हांचे भेटीचो सविस्तर तपशील आपूण उक्ताडार हाडपाक शकना. मात, पक्षा भितर आनी राजकी बदलां विशीं आपणें तांचे कडेन सविस्तर चर्चा जाली. फुडल्या कांय दिसांनी ते प्रमाण बदल जातलो अशी आपल्याक खात्री आशिल्ल्याचें दामू नायक हांणी शुक्रारा ‘भांगरभूंय’ कडेन उलयतना सांगलें.
संतोष दाबोळी विमानतळार देंवले उपरांत आपणें तांचे वांगडा फातोर्डा जेवण केलें. उपरांत आमी पाळोळें- काणकोणां क्लावड नायन सरोवर हॉटेलांत पावले. पक्षा भितर बदल आनी गोंयचे सध्याचे राजकी स्थिती विशीं आमचे मदीं वट्ट साडेचार वरां चर्चा जाली. प्रदेशाध्यक्ष ह्या नात्यान दोनूय बाबतींत आमकां कितें आनी कशे बदल जाय, हाची म्हायती आमी तांकां दिल्या. ते प्रमाण फुडल्या कांय दिसांनी बदल जातले हाची आपल्याक खात्री आसा, अशेंय नायक हांणी नमूद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
