भांगरभूंय | प्रतिनिधी
भारतीय क्रिकेट नियामक मंडळाचे (बीसीसीआय) वेंचणुकेची तारीख जाहीर जाली. वेंचणुके वांगडाच वर्सुकी सर्वसादारण बसकेचें लेगीत आयोजन केलां. बीसीसीआय 18 ऑक्टोबराक वेंचणूक घेतलें. ही वेंचणूक अध्यक्ष आनी उपाध्यक्षां सयत सगल्या पदां खातीर आसतली.
सौरव गांगुली सध्या बीसीसीआयचे अध्यक्ष आसा. जाल्यार जय शाह सचीवपदाचेर आसा. ह्या दोगांचोय कार्यकाळ पुर्ण जाता. हातूंत सर्वोच्च न्यायालयाचो निर्णय म्हत्वाचो थारुये. आतां गांगुली आनी शाह आनीक एका कार्यकाळा खातीर वेंचणूक लडोवपाक शकतात.
सर्वोच्च न्यायालयान ‘कुलींग ऑफ पिरीयड’ ह्या नेमांत मेकळीक दिल्या उपरांत बीसीसीआयचे वेंचणूक प्रक्रियेंत वेग आयला. 18 ऑक्टोबराक वेंचणूक जातली. पूण, ते पयलीं सगल्या प्रक्रियांक सुरवात जातली. बीसीसीआय वतीन वेंचणूक अधिकारी म्हूण ए के ज्योती हांची निवड केल्या. दरेक संलग्न संघटनांक आपल्या प्रतिनिधीचें नांव दिवपाक 4 ऑक्टोबर मेरेनचो वेळ दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
