भांगरभूंय | प्रतिनिधी
खबरां संस्था
डर्बनः भारतीय क्रिकेट नियामक मंडळाक (बीसीसीआय) आंतरराष्ट्रीय क्रिकेट परिशदे कडल्यान (आयसीसी) तांचे येणावळींच 72 टक्के वाड मेळ्ळ्या. आयसीसीन बिरेस्तारा डर्बनात जाल्ले वर्सुकी बसकेंत वांगडी क्रिकेट बोर्डांक महसूल वितरणाक मान्यताय दिल्या उपरांत शुक्राराक जय शाह हाणे राज्य क्रिकेट असोसिएशनाक हाची म्हायती दिली. बीसीसीआयच्या वर्सुकी उप्तन्नाच्या सुमार 38.5 टक्के रक्कम मेळटली. हेर देशांचे तुळेंत ही रक्कम चड आसा.
आयसीसीआयन हालींच भोव चर्चीत सुदारीत महसूल वितरण मॉडेलाक मान्यताय दिल्ली. ते प्रमाण बीसीसीआयक फुडल्या चार वर्सांत आयसीसीच्या वर्सुकी येणावळींतली 38.5 म्हणल्यास सुमार 39 टक्के जोड मेळटली. ताका लागून बीसीसीआय 2024 तें 2027 मेरेन वर्सुकी 230 दशलक्ष अमेरिकन डॉलर मेळटले. आयसीसीची वर्सी जोड सुमार 600 दशलक्ष डॉलरांची आसतली.
आयसीसीच्या हेर 11 वांगडी देशांतल्या कोणाकूय दोन आंकडी वांटो मेळचो ना. सुमार 90 सहयोगी वांगड्यांक दर वर्सा सुमार 7.5 दशलक्ष डॉलर वाटून दितले. दक्षीण आफ्रिका, श्रीलंका, बांगलादेश, न्यूझिलंड आनी वेस्ट इंडिज हे पांच कायम वांगडी आसात. दर वर्सा तांकां सुमार एक दशलक्ष डॉलर मेळटात. तातूंत आतां मात्शी वाड जातली.
बीसीसीआय उपरांत आयसीसीच्या नव्या मॉडेलांत सगल्यांत चड जोड करपी तीन वांगडी म्हणल्यार इंग्लंड आनी वेल्स क्रिकेट बोर्ड, क्रिकेट ऑस्ट्रेलिया आनी पाकिस्तान क्रिकेट बोर्ड (पीसीबी). इंग्लंड, ऑस्ट्रेलिया हांका दरेकी 41.33 दशलक्ष (6.89 टक्के) आनी 7.33 दशलक्ष (6.25 टक्के) डॉलर मेळटले. पाकिस्तान बोर्डाक 30 दशलक्ष परस चड डॉलर मेळटले असो अदमास आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
