भांगरभूंय | प्रतिनिधी
बीड, खबरां संस्था: नेकनूर सावन वट्ट इकरा कि. मी. अंतराचेर आशिल्ल्या कारेगव्हाण हांगा लाखांनी रुपयांची उलाढाल करपी ऑनलायन सट्टा सुरु आशिल्ल्याची म्हायती वरीश्ठ पुलीस अधिकार्यांक जाले उपरांत जिल्लो पुलीस अधिक्षक नवनीत कॉंवत हांच्या आदेशावेल्यान बीड मुख्यालयांतल्या दोन पुलिसांनी मध्यानरातीं सुमार एक ते दोन वरांचेर कारेगव्हाण वाठारांत छापो मारलो. तेन्ना लोटस ऑनलायन गेमी वरवीं सट्टा सुरु आशिल्ल्याचें उक्तें जालें. ह्या वेळार १५ मोबायलां सयत बारा लॅपटॉप जप्त करून चोवगांक अटक केली.
कोट्यांनी रुपयांची उलाढाल
मोबायल आनी लॅपटॉपाच्या मुळावे तपासणेंत ह्या सगल्या खेळांत कोट्यांनी रुपयांचे बेकायदेशीर अर्थीक वेव्हार जाल्ल्याचें सांगतात. गुन्यांव दाखल करपाची प्रक्रिया नेकनूर पुलीस स्टेशनांत सुरू आशिल्ली. गांवगिर्या वाठारांत इतल्या व्हड प्रमाणांत सट्टा खेळिल्ल्यान बरोच बोवाळ जाला.
मध्यान रातीर रानांत पुलिसांनी मारलो छापो
फाटल्या कांय म्हयन्यां सावन कारेगव्हान वाठारांत लोट्स ऑनलायन गेमी वरवीं सट्टा चलयताले. चालवला जात होता. हाची म्हायती बीड मुख्यालयाच्या दोन पुलिसांना जाली. तांणी आपल्या वरीश्ठ अधिकार्यांक हाची म्हायती दिवन मध्यानरातीं कारेगव्हाण वाठारांतल्या जंगल सदृश्य सुवातेर एक छापो मारलो. ह्या वेळार कंधारे नांवाचे तीग आनी खिल्लारे नांवाचो एकलो मेळून चोवग जाण ते सुवातेर महादेव ऍप लोटसा वरवीं ऑनलायन सट्टा चलयताले.
तांचे कडेन दोनशें परस चड बँक अकावंट, तशेंच महादेव ऍपाचे अकावंट मेळ्ळ्यात. त्या अकावंटाची तपासणी चालू आसा. हातूंत कोट्यांनी रुपयांची उलाढाल जाल्ल्याचें दिसता.
चार आरोपी आनी परदेश कनेक्शन
धापो घातले उपरांत पंदरा मोबायलां सयत चार लॅपटॉप पुलिसांनी ताब्यांत घेतले. मोबायल तपासले उपरांत ह्या सट्टा चालोवपीचें सरळ परदेशांत कनॅक्शन आशिल्ल्याचें उक्तें जालें.
हे विशीं सध्या पुलीस आनीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
