भांगरभूंय | प्रतिनिधी
नवी दिल्ली : बीएमडब्ल्यू मोटरराड इंडियान आपली पयली इलेक्ट्रीक स्कूटर बीएमडब्ल्यू सीई 04 ही भारतांतली पयलीं प्रीमियम इलेक्ट्रीक स्कूटर लॉंच केल्या. अर्बन इलेक्ट्रीक स्कूटर भारतांतल्या थरावीक शारांनी उपलब्ध आसतली. ही स्कूटर पुरायपणान बिल्ट अप युनीट (सीबीयू) आसा. सप्टेंबर 2024 सावन डिलिव्हरी सुरू जातली.
इलेक्ट्रीक ड्रायव्ह, उच्च दर्जाचे आकर्शक डिझायन आनी अद्ययावत तंत्रज्ञानाक लागून ही स्कूटर नवो, ताजो अणभव दितली. मोटरसायकलीच्या तंत्रज्ञाना कडेन जुळपी ही स्कूटर शारी वातावरणा खातीर बेस बरी थारतली.
बीएमडब्ल्यू ग्रुप इंडियाचे अध्यक्ष आनी मुखेल कार्यकारी अधिकारी विक्रम पावाह हांणी सांगलें, बीएमडब्ल्यू मोटरराड इंडियांत इलेक्ट्रो-मोबिलिटीच्या पुराय नव्या युगाची सुरवात करता. नवी बीएमडब्ल्यू सीई 04 ही स्कूटर ताची एक देख आसा. शारा खातीर तयार केल्लो हो नवो इलेक्ट्रीक स्टार आसा. शांत, वेगवान आनी चपळ, बीएमडब्ल्यू सीई 04 शारांतल्या रस्त्यांचेर खेळां मैदानार चलता तशी सहज चलतली. ही स्कूटर अतुलनीय अशी आसा.
भविश्यवादी आनी नाविन्यपूर्ण शैली आशिल्ल्या डिझायन स्टेटमेंटाचेर व्हड. प्रभावी शक्ती, अद्ययावत तंत्रज्ञान आनी भरपूर रेंज अशी ह्या स्कुटरीची खासीयत आसा. ही स्कूटर एक मजेशीर रायडींग अणभव दिता जाका लागून तुमकां दर दिसा जागे जावपाक जाय, स्कूटर चलोवपाक जाय अशें दिसतले. नव्या शारी जिणेचो एक भाग जावपी ही स्कूटर कोणाकूय आवडटलीच, अशें पावाह हांणी म्हणलें.
ह्या स्कुटरीचो एक्स शोरूम दर 14,90,000 रुपया सावन सुरू जाता. 8.5 किलोवॅट निव्वळ क्षमता आशिल्ली लिथियम-आयन बॅटरी 130 किमी.
7.7 किलोवॅट/100 किमी. बीएमडब्ल्यू सीई 04 कॉम्प्लिमेंट्री 2.3 किलोवॅट होम चार्जर घेवन येतलो जो शून्य सावन 80% चार्ज जावपा खातीर साडेतीन वरां घेतलो. तशेंच स्कुटरीक पर्यायी बीएमडब्ल्यू वॉलबॉक्स चार्जर उपलब्ध आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
