भांगरभूंय | प्रतिनिधी
बेतिया, खबरां संस्था: बिहारांतल्या बेतिया हांगा, एके नियंत्रणा भायर गेल्ले गाडयेन लग्नाक गेल्ल्या लोकांक चिड्डिले, हातूंत तिगांक मरण आयलें आनी १६ जाण जखमी जाले. बेतिया-बागाहा राष्ट्रीय महामार्गावरील बिशुनुरवा गावाजवळ हो अपघात जालो.
मरण आयिल्ल्यां मदीं न्हंवर्याचो काका आनी लग्नाक आयिल्ल्या हेरांचो आसपाव आसा. जखमीं मदल्या दोगां जाणांनी भलायकी गंभीर आसा. व्हंकलेच्या घरा सामकार हो अपघात जालो. लग्नाक आयिल्ले लोक जेवण जाले उपरांत रस्तो हुपतना तांकां एके नियंत्रणा भायर गेल्ले गाडयेन धपको दिलो.
हे घडणुकेची म्हायती मेळटांच पुसिांनी सगल्या जखमींक लॉरिया सीएचसींत दाखल केले. हॉस्पिटलांत लग्नाच्या पक्षाच्या सोयर्यांनी हॉस्पिटलाचेर उपचारांत निश्काळजीपणाचो आरोप करीत बोवाळ केलो.
जनतेचो राग पळोवन दोतोर आनी वैजकी कर्मचार्यांनी आसरो घेतलो. कांय जाणांचेर हल्लोय जालो. हाका लागून हॉस्पिटलाच्या वाठारांत बोवाळ जालो. जनतेचे तिडकी मुखार पुलीसूय कांयच करपाक पावले ना.
रस्तो हुपतना अपघात
लग्नाची मिरवणूक शिकारपूर पुलीस स्टेशनांतल्या धुमनगर मटियारिया हांगच्या बिष्णुरवा गांवांत आयिल्ली. मिरवणूक व्हंकलेच्या दारा कडेन थारली. रातच्या सुमार ८:३० वरांचेर ते जेवणा उपरांत रस्तो हुपताले. उपरांत बगाहाच्या वेगान येवपी एके लक्झरी गाडयेन लग्नाक आयिल्ल्यांक चिड्डीले. हातूंत न्हंवराच्या काका सयत आनी दोगांक मरण आयलें. हे विशीं पुलीस चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
