भांगरभूंय | प्रतिनिधी
खबरां संस्था
नवी दिल्लीः नवी दिल्लींत डॉ श्यामा प्रसाद मुखर्जी स्विमींग पुलांत जाल्ल्या अंडर- 20 बिस्मटॅक जलतरण सर्त 2024त गोंयच्या संजना प्रभुगांवकारान भारताक रुप्या आनी कांस्या पदक मेळोवन दिलें.
सर्तीच्या तिसऱ्या दिसा संजनाना 200 मीटर बॅकस्ट्रोक सर्तींत भारताक रुप्या पदक मेळोवन दिलें. पयल्या दिसा ताणे 100 मीटर बॅकस्ट्रोकांत कांस्या पदक मेळयल्ले. ताचे पयली ताणे 50 मीटर बॅकस्ट्रोकांत कांस्यापदक मेळयल्लें. हे सर्तींत भारताच्या पलक जोशीन भांगरा पदक मेळयल्लें.
हे सर्तींत भारता सयत भुतान, बांगलादेश, म्यानमार, थायलंड, नेपाळ आनी श्री लंकेच्या सर्तकांनी जलतरण, वॉटर पोलो आनी डायव्हींग सर्तींत वांटो घेतिल्लो. 6 तें 9 फेब्रुवारी मजगतीं जाल्ले हे सर्तीचें उक्तावण केंद्रीय खेळ आनी युवा वेव्हार मंत्री अनुराग सिंग ठाकूर हांचे हस्तुकीं जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
