भांगरभूंय | प्रतिनिधी
सांताक्रुझचे आदले सरपंच इनास परेरा हांचो आरोप
पणजीः सांताक्रुझच्या बोंडवळ तळ्या खातीर एनआयओन ५ लाख चौ. मी. प्रभावीत वाठार सुचयल्लो. मात सरकारान प्रत्ययक्षांत फकत १ लाख चौ. मी. प्रभावीत वाठार अधिसुचीत केला. बिल्डर लोबीच्या फायद्या खातीर अधिकार्यांनी हे गुड्डुलासांव केलां, असो आरोप सांताक्रुझचे आदले सरंपच इनास परेरा हांणी केला.
आझाद मैदानार आपयल्ले पत्रकार परिशदेंत उलयतना परेरा हांणी सांगलें, बोंडवळ तळ्या लागसार व्हडल्या बांदकामा पासत तळ्याचो प्रभावीत वाठारा राखप हो आमचो मुद्दो आसा.
वर्स २०२२सात बोंडवळ हे पाणथळ जाहीर करचे पयलीं सरकारान सीएसआयआर-एनआयो आनी प्रदुशण नियंत्रण मंडळाची एक एजन्सी नियुक्त केल्ली. तीन एजन्सीच्या मजतीन एनआयओन एक तपशीलवार दस्तावेज तयार केल्लो आनी हे दस्तावेजात तज्ञ एनआयओन ५०.५७ हॅक्टर हो तळ्या खातीर प्रभावीत वाठार आसचो अशी सुचोवणी दिल्ली, अशी म्हायती परेरा हांणी दिली.
५०.५७ हॅक्टर ह्या हिशोबान तळ्याचो प्रभावीत वाठारा ५.७० लाख चौ. मी. इतलो दवरपाक सांगिल्लो. पुण खंयच्या शाण्यान फकत १ लाख चौ. मी. प्रभावीत वाठार दवरला. अतिरीक्त चार लाख चौ. मी. प्रभावीत वाठार भायर काडून एक अधिकृत गुन्यांव केला. अधिकारी आनी बिल्डर लोबी मदले हे गुड्डूलसांव आसा, असो आरोप परेरा हांणी केलो.
जर पयलींच ५ लाख चौ. मी. प्रभावीत वाठार अधिसुचीत केल्लो जाल्यार सगलीं बांधकामां येवप बंद जावपाचीं आनी तळें राखून उरपाचें. हें तळें वाटोवपा खातीर आमदार, मंत्र्याच्या दारार धावपाची आमकां गरज पडपाची नासली. ह्यो सुचावण्यो कित्याक अंमलात हाडूंक ना. हाची जाप विचारपा खातीर आमी संबंदीत अधिकार्यां आड पुलीस स्टेशनां कागाळ नोंद करतले, अशी शिटकावणी परेरा हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
