भांगरभूंय | प्रतिनिधी
भांगरभूंय । खबरां मेज
पणजीः अंदू पणजे शारांत 15 तें 23 डिसेंबर मजगतीं जावपी पांचव्या सेरेंडिपिटी कला महोत्सवात 120 परस चड प्रकल्प आनी 500 परस चड कलाकार वांटेकार जातले. तातूंत वांटेकार जावपा खातीर पिरायेचें बंदन ना. पोरण्या जीएमसी वाठारांत महोत्सवाच्यो मुखेल कार्यावळी जातल्यो. पणजेंतल्यो इतिहासीक म्हत्वाच्यो सुवाती हे खातीर वेंचून काडल्यात.
महोत्सवांत तरेकवार विशयांचेर कार्यशाळा जातल्यो. दिव्यांग व्यक्ती आनी भुरग्यांचे कार्यावळीचेर चड भर दिवन तांची कल्पना शक्त वाडीक लावपाचे यत्न करतले. कला प्रदर्शना, कार्य प्रदर्श, भौशीककला, भासाभास आनी पुस्तक प्रकाश अश्यो कार्यावळी महोत्सवा मजगतीं जातल्यो. महोत्सवांत पमोद कुमार जे हे हस्तकलेचो विभाग सांबाळटले. अंजना सोमणी हस्तकलेच्या स्पेस मकिंगातील भौतीक पंरपरा आनी कसार थकोर पद्मसी हो थेटर विभाग सांबांळटले. प्रल्हाद सुखटणकार पाक कला व्हो विशय सांबाळटले.
विक्रम घोष आनी एससान नुरानी शास्त्रीय लोक कला, इंडी पॉप आनी रॉक लायव काँसर्न्टा सयत संगीत क्युरेत करतले. गीता चंद्रन आनी मयुरी उपाध्याय शास्त्रीय, प्रयोगीत आनी समकालीन नाच सादर करतले. सेरेंडिपिटी महोत्सव आयोजीत करपाक आमकां खूब खोस भोगता अशें महोत्सवाची कला दिग्दर्शक स्मृती रजगरिहा हिणे सांगलें.
चार गॅलरींत सहयोगी प्रदर्शनाचो आसपाव आसतलो. डॉ ज्योतिंद्र जैन आनी जुत्ता जैन न्यूबौअर हाचे विशेश अभिलेख प्रदर्शन जातलें. राहाब अल्ताना आनी पास्कल ब्युसे (सीएनएपी, फ्रान्स) क्युरेट केल्ले सिनेमा दाखयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
