भांगरभूंय | प्रतिनिधी
पणजी : वाळपयच्यान दुचाकी वयल्यान चरावण्यां वचपी यशवंत गांवस हांचेर बिबट्यान हल्लो केल्लो. तांचेर गोमेकॉंत फाटल्या चार दिसां सावन उपचार चालू आशिल्ले. मात काल तांकां मरण आयलें. पुलीस खात्यांत नोकरी करपी यशवंत स म्हयन्यांनी निवृत्त जावपाचे आशिल्ले.
चड म्हायती प्रमाण, चार दिसां पयलीं तांचेर बिबट्याने हल्लो केल्लो. जखमी अवस्थेंत तांकां गोमेकॉ हॉस्पिटलांत दाखल केल्ले. तांचे तकलेक बरोच मार बशिल्लो. सोमारा रातीं तांकां मरण आयलें. ते पुलीस खात्यांत मॅकानिकल विभागांत कार्यरत आशिल्ले. सध्या ते मुख्यालयांत ‘ड्युटी’ करताले. स म्हयन्यांनी निवृत्त जावपाचे आशिल्ले. मात, ताचे पयलींच तांकां मरण आयिल्ल्यान पुराय पुलीस खात्यांत दुख्ख पातळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
