भांगरभूंय | प्रतिनिधी
पणजी : विद्यार्थ्यांच्या मरण प्रकरणांत बिट्स पिलानी, गोंय कॅम्पसाच्या वेवस्थापना आड गुन्यांव नोंद करपाची मागणी कॉंग्रेसीन केल्या. हे विशीं कॉंग्रेस विधी मंडळ फुडारी युरी आलेमाव आनी प्रदेश अध्यक्ष अमित पाटकार हांणी पत्रक जारी करून ही मागणी केली. ऋषी नायर ह्या बिट्स पिलानी गोवा कॅम्पसच्या एक विद्यार्थ्याच्या नमुन्यांत नार्कोटिक्स आनी बेशुद्ध करपी गजाली जश्यो एक्स्टसी, एमडीएमए आनी ऍमफेटामायन्स मेळ्ळ्यो. गोंय पुलिसांनी ह्या प्रकरणाची खोलायेन चवकशी करपाची गरज आसा, अशें युरी आलेमाव हांणी म्हणलें.
बिटस पिलानी संस्था आत्महत्या टाळपा खातीर उपाय काडपाक अपेशी थारल्या, जाल्यार हाका वेवस्थापनाकूय जापसालदार धरपाक जाय, अशें आलेमाव हांणी मुखार म्हणलें.
न्यायालयीन चवकशी करात : अमित पाटकार
विद्यार्थ्याच्या मरण प्रकरणांत न्यायालयीन चवकशी करपाची मागणी प्रदेश कॉंग्रेस अध्यक्ष अमित पाटकार हांणी केल्या. उच्च शिक्षण संस्थांच्या विद्यार्थ्यांचे मानसीक भलायकेचें ऑडीट करपाचीय मागणी तांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
