भांगरभूंय | प्रतिनिधी
पणजी : बिट्स पिलानी शिक्षण संस्थेंत डिसेंबर २०२४ ते फेब्रुवारी २०२६ मजगतीं स विद्यार्थ्यांनी आत्महत्या केल्यात. ह्या प्रकरणांची स्वतंत्र चवकशी जावपाक जाय. सगले चवकशी अहवाल सामान्य नागरिकां खातीर उपलब्ध करून दिवचे, अशी मागणी गोवा फॉरवर्ड युवा विभागाचे हृतिक मांद्रेंकार हांणी केली. हे विशीं पक्षाच्या शिश्टमंडळान बुधवारा राज्यपाल पुसापती गजपती अशोक राजू हांची भेट घेवन हे विशीं निवेदन दिलें.
मांद्रेंकार हांणी, बिट्स पिलानींत विद्यार्थ्यांचे आत्महत्येचेंे सत्र चालूच आसा. पयले आत्महत्ये उपरांत फुडाराक अशे तरेचे प्रकार घडचे न्हय हे खातीर संस्थेन कितें केलें हाची म्हायती मेळपाक जाय. संस्थेन उपाय येवजण जरी केल्यात तरी आत्महत्या कित्याक जातात हाची जापूय मेळप गरजेचें. आत्महत्या आडावपाक ही शिक्षण संस्था आनी सरकारूय अपेशी थारता. आत्महत्येक लागून गोंयचें नांव पेड्यार जाता.
आमी केल्ल्या अभ्यासा प्रमाण, ह्यो आत्महत्या परीक्षा लागीं पाविल्ल्या काळांत जाल्यात. हातूंत ताण हो एक भाग आसपाक शकता. फाल्यां हेर संस्थांनीय अशें जावपाक शकता.
हें टाळपा खातीरूच सगलो चवकशी अहवाल भौशीक जावपाक जाय. अशें जाल्यार हेर संस्था, विद्यार्थ्यांक आत्महत्येचीं नेमकी कारणां समजून तीं आडावपा खातीर कितें करचें हें समजतलें. राज्यपालांनी आमकां हे विशीं लक्ष घालतले अशें सांगलें. आमी १५ दिसांनी परत हाची फाटपुरवण करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
