भांगरभूंय | प्रतिनिधी
विजापूर, खबरां संस्था: छत्तीसगडांतल्या बिजापूर जिल्ह्यांत जाल्ल्या आयईडी स्फोटांत मनोज पुजारी हो एक जवान शहीद जालो. आयतारा सकाळीं तोयनार-फरसेगड रस्त्यावेल्या रस्त्याच्या बांदकामाचे सुरक्षीतताये खातीर जवान तैनात आसतना, तांचेर पांय दवरल्या उपरांत बॉम्बचो स्फोट जाल्ल्याचें सांगतात.
मेळिल्ले म्हायत प्रमाण, मनोज पुजारी (२६) हो छत्तीसगड सशस्त्र दळाच्या (सीएएफ) बटालियनांत आशिल्लो. मोर्मेड रानांत ही घडणूक घडली. हे विशीं म्हायती मेळटांच सुरक्षा दळांक घडणुके सुवातेर धाडले. ह्या वाठारांत सध्या सोद मोहीम सुरू आसा.
जानेवारींत ८ सैनीक शहीद जाल्ले
जानेवारी २०२५ त, विजापूर जिल्ह्यांत, नक्षलवाद्यांनी सैनिकांक घेवन वचपी एक वाहन उडयलें. ह्या हल्ल्यांत दंतेवाडो डीआरजीचे ८ सैनीक शहीद जालेे. हातूंत एका चालकाक मरणूय आयलें. नक्षलवाद्यांनी जोड ऑपरेशन पार्टीचेर हल्लो केल्लो.
रस्त्यार १० फूट खोल खड्डो
नक्षलवाद्यांनी बिजापूर मुख्यालया पसून सुमार ४० किमी अंतराचेर आशिल्ल्या आंबेली गांवां लागसारा आयईडी स्फोट केलो. हो स्फोट इतलो नेटान आशिल्लो, त्या नेटान रस्त्यार सुमार १० फूट खोल खड्डो तयार जालो. गाडयेचे कुडके जाले. गाडयेचे कांय कुडके ३० फूट अंतराचेर २५ फूट उंचायेर आशिल्ल्या झाडार मेळ्ळे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
