भांगरभूंय | प्रतिनिधी
पणजी: भुरग्यां मदल्या सृजनशिल प्रतिभेक वाव दिवपाक गोवा बालभवना वतीन राज्य पांवड्यार ग्रिटींगकार्ड डिझायन सर्त बुधवारा ३० जुलय दिसा दनपारच्या २.३० ते ५ वरां मेरेन बाराय म्हालांनी एकाच वेळार आयोजीत केल्या. ही सर्त गट अ यत्ता पांचवी ते सातवी, गट-ब यत्ता आठवी ते धावी अशा दोन गटांनी घेतले.
सकयल दिल्ल्या म्हाल पांवड्यार केंद्र/थळार सर्त आयोजीत केल्या
१. तिसवाडी-बालभवन,कांपाल, पणजी, २. मुरगांव-शासकी विध्यालय बोगदा, वास्को
३. बार्देस-सारस्वत विद्यालय खोर्ली, म्हापशें, ४. फोंडें-सरकारी हायस्कूल, सदर,फोंडें
५. पेडणें-व्हिस्काउंट हायस्कूल, पेडणें, ६. दिवचल-शांतादुर्गा हायस्कूल, दिवचल
७. सत्त्तरी-हनुमान विद्यालय वाळपय, ८. धारबांदोडें-गोमंतक विद्यालय, पिऴयां, धारबांदोड्यां
९. केपें-सर्वोदय हायस्कूल कुडचडें, १०. काणकोण-मल्लिकार्जुन हायस्कूल, काणकोण
११. सांगें-युनियन हायस्कूल, सांगें, १२. सालसेत-लॉयला हायस्कूल, मडगांव
दिवाळी, नातलां, नवें वर्स, सैम चित्र, तशेंच ्रिटींग कार्डां खातीर जोड अशा भुरग्यांचे सृजनशिलतेक वाव दिवपी नवे डिझायन करपाची मेकळीक सर्तकांक आसतली.
स्पर्धेच्या प्रवेश अर्जाची तशेच नियम अटी संबंधीची लिंक बालभवन गोवा या फेसबुक पेजीचेर दिल्या. तशेंच हे विशींचीं परिपत्रकां संबंदीत शाळा तशेंच संलग्न संस्थांक इमेला वरवीं धाडल्यांत. प्रवेश अर्ज सादर करपाची निमाणी मुजत २२ जुलय सांजेच्या ५ वरां मेरेन आसा. चड म्हायती खातीर मनिषा तारी, वरीश्ठ प्रशिक्षक कला विभाग हांचे कडेन संपर्क करचो असो उलो बालभवनचे संचालक मनोज बी. सावयकार हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
