भांगरभूंय | प्रतिनिधी
सहकार नवजीवन पॅनलाचे बाराय उमेदवार जैतिवंत
म्हापशें ः बार्देश बाजार गिरायक सहकारी सोसायटीच्या संचालक मंडळाचे वेंचणुकेंत ऍड. रमाकांत खलप हांचो समर्थक गट जिखलो. महादेव नाटेकार हांच्या नेतृत्वा खाला आशिल्लें सहकार नवजीवन पॅनल धर्मा चोडणकार हांचे बार्देश बाजार पॅनल वेंचणुकेंत हारलें. नवजीवन पॅनेलांतले सगले १२ उमेदवार जैतिवंक थारले. हातूंत खलप कुटूंबाचे तीन वांगडी आशिल्ले. जाल्यार चोडणकार पॅनलाक दोन सुवातांचेर समाधान मानचें पडलें.
आयतारा म्हापश्या उपनिबंधक कार्यालयांतल्या केंद्राचेर २५५६ भागधारकां मदल्या ५३७ वांगड्यांनी मतदान केल्लें. सोमारा ६ तारखेर सकाळीं १० वरांचेर मतमोजणीक सुरवात जाली. दनपरां सुमार १ वरांचेर मतमेजणी पुराय जाली आनी अपेक्षितपणान सहकार नवजीवन पॅनेलांतल्या बाराय उमेदवारांची भोवमतान निवड जाली. जाल्यार धर्मा चोडणकार हांच्या पॅनेलांतले स्वता धर्मा चोडणकार आनी शशिकांत कांदोळकार हे दोगूच उमेदवार जिखले. ते इकरा आनी बारावे सुवातेर उरले. निर्वाचन अधिकारी रामेश्वर दाभोळकार आनी सहाय्यक निर्वाचन अधिकारी गोविंद ठाकूर हांणी जैतिवंत उमेदवारांची नाञवां जाहीर केलीं.
जैतिवंत उमेदवारांचीं नांवां आनी तांकां मेळिल्लीं मता:
सुधीर कांदोळकार-३८६
रवींद्र फोगेरी-३५०
नारायण राटवड-३३५
एकनाथ नागवेंकार-३१५
महादेव नाटेकार-३०७
विजय भिके-३०१
निखिलचंद्र खलप-२९४
सखाराम गांवकार-२७७
प्रमोद कर्पे-२५७
नितीन नायक-२५७
धर्मा चोडणकार-२२१
शशिकांत कांदोळकार-२१४
बायलां खातीर आरक्षीत आशिल्लीं जैतिवंत उमेदवार
प्रतीक्षा खलप-२९४
निर्मला खलप-२५९
हारिल्ल्या उमेदवारांचीं नांवां आनी मतां
रघुविर देसाय- १६१
रघुविर कोटकार-१८४
जयवंत नायक- १५६
पवन नायक- ११६
अक्षता शेजवळकार- १२३
चंद्रकांत शेटगांवकार- १९९
बापू तुयेंकार- १६३
पूनम नायक- १७४
अनुया शिरोडकार- १६५
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
