भांगरभूंय | प्रतिनिधी
भांगरभूंय । प्रतिनिधी
म्हापशेंः बार्देश तालुक्यांतल्या चडशा पंचायतींनी आमदार समर्थग गटांची सत्ता स्थापन जाल्या. 33 तल्या 29 पंचायतीच्या सरपंच, उपसरपंचांची बिनविरोध निवड जाल्या, चार पंचायतींत वेंचणूक जाली. सत्ताधारी भाजप आनी विरोधक काँग्रेस पक्ष समर्थक गटांनी दरेकी चौदा जाल्यार पांच पंचायतीत समविचारी पंचानी पंचायत मंडळां स्थापन केल्यांत.
सांगोल्डें, सडयें, उसकय-पालयें आनी नास्नोळें ह्या चार पंचायतींनी सरपंच, उपसरपंचपदां खातीर वेंचणूक घेवची पडली. सात पंच वांगडी आशिल्ल्या पंचायत मंडळांचेर 4 -3 अश्या फरकान सरपंच, उपसरपंच वेंचून आयले. पर्रा पंचायतींत आमदार मायकल लोबो, डिलायला लोबो हांचो पूत डॅनियल लोबो उपसरपंच जाला, पिर्णा पंचायतींत भाजपा प्रदेशाध्यक्ष सदानंद शेट तानावडे हांचो भाव संदीप तानावडे हाका सरपंचद फावो जालां.
अस्नोडें, कोलवाळ, थिवी, रेवोडें, नादोंडें, पिर्ण, कामुर्ली, मयडें, नास्नोळें, बस्तोडें, सांगोल्डा, गिरी, पेन्ह द फ्रान्स आनी सुकूर पंचायतींत भाजपा समर्थक पंगड सत्तेर आयल्यात जाल्यार कांदोळी, पर्रा, हडफडें-नागवा, रेईश मागुश, पिळर्ण-मार्रा, नेरूल, हळदोणे, पोंबुर्फा-वळावली, उसकय-पालयें, मार्ना-शिवोले, सडयें-शिवोले, आशेल-शिवोले, वेर्ला-काणका आनी आसगांव पंचायतीचेंर काँग्रेस समर्थकांनी सत्ता मेळयल्या. कळंगुटे, सिरसय, हणजूण-कांयसूंव. साळगांव आनी साल्वादोर द मूंद पंचायतींचेर समविचारी गटांची वर्णी लागल्या.
थिवी मतदारसंघात आठांतल्या सात पंचायतींचेर, हळदोणे मतदारसंघांतल्या तीन पंचायतींचेर, पर्वरी मतदारसंघांतल्या दोन आनी साळगांव मतदारसंघांतल्या दोन पंचायतीचेर भाजपाचो बावटो लागला. कळंगुटें आनी शिवोले मतदारसंघात भाजपा समर्थक गटांक सत्ता मेळोवप जमलें ना. शिवोले मतदारसंघात पांच, कळंगुटेन दोन, साळगावांत तीन आनी हळदोण्यातल्या तीन पंचायतींचेर काँग्रेस समर्थक सत्तेर आयल्यात. थिवी आनी पर्वरींत काँग्रेसाक एकूय पंचायत मेळोवप शक्य जालें ना.
बार्देशांतले सरंपच, उपसरपंचः हळदोणेः सरपंच- आश्वीन डिसोझा, उपसरपंच- अभितज्ञा सातार्डेकार. हणजूण-कांयसूंवः सरपंच- लक्ष्मीदास चिमुलकार, उपसरपंच- अॅग्नेस कार्व्हालो. हडफडें- नागवाः सरपंच- रोशन रेडकार, उपसरपंच- सुषमा नागवेकार. आगांवः सरपंच- हनुमंत नायक, उपसपंच- सोनिया नायक. अस्नोडेंः सरपंच- सुषमा मालवणकार, उपसरपंच- सपना मापारी. बस्तोडेंः सरपंच- अँजेला मार्टीन, उपसरपंच- सुनिता लोटलीकार. कळंगुटेः सरपंच- जोजफ सिक्वेरा, उपसरपंच- गीता परब. कामुर्लीः सरपंच- छाया गाड, उपसरपंच- संजना माशेलकार. कांदोळीः सरपंच- अॅनिसेटो फर्नांडीस. उपसरपंच- आमालिना डायस। कोलवाळः सरपंच- शीतल चोडणकार, उपसरपंच- लिबरेता फर्नांडीस. गिरीः सरपंच- सनी नानोडकार, उपसरपंच- श्रेया नायक. मडयेंः सरपंच- सागर नायक, उपसरपंच- ज्युलिएटा परेरा डिकुन्ना. नास्नोळेंः सरपंच- फ्रेडी फर्नांडीस, उपसरपंच- रुपाली नायक. नोदोडेंः सरपंच- परेश गांवस, उपसरपंच- विश्वज्या हळदणकार. नेरूलः सरपंच- सुदेश गोवेकार, उपसरपंच- विन्ही फर्नांडीस. ओशेल- शिवोलीः सरपंच- प्रवीण कोचरेकार, उपसरपंच- रेशल आर्पोरकार. पर्राः सरपंच- चंदानंद हरमलकार, उपसरपंच- डॅनिएल लोबो. पेन्ह द फ्रान्सः सरपंच- स्वप्नील चोडणकार, उपसरपंच- दिपाली वेर्णेकार. पिळर्ण- मार्राः सरपंच- रेश्मा बांदोडकार, उपसरपंच- अमरनाथ गोवेकार. पीर्णः सरपंच- संदीप शेट, उपसरपंच- शोभा सावंत. पोंबुर्फा- वळावलीः सरपंच- लिओपोल्डिना फर्नांडीस, उपसरपंच- शंकर बुडे. रेईश मागुशः सरपंच- सुश्मिता पेडणकार, उपसरपंच- श्रृती चोडणकार. रेवोडेंः सरपंच- कांचन गांवकार, उपसरपंच- गीतेश बागकार. साळगांवः सरपंच- लुकास रेमेडिओस, उपसरपंच- उत्कर्षा कुडणेकार. साल्वादोर द मूंदः सरपंच- रोशनी सावयकार, उपसरपंच- दात्ताराम रेडकार. सांगोल्डेंः सरपंच- नीता कांदोळकार, उपसरपंच- उल्हास मोरजकार. मार्ना-शिवोलेः सरपंच- शर्मिला वेर्णेकार, उपसरपंच- जोजफ फर्नांडीस. सडयें-शिवोलेः सरपंच- दीपा पेडणेकार, उपसरपंच- नीलेश वायंगणकार. सिरसयः सरपंच- दया फडते, उपसरपंच- नीलेश कांबळी. सुकूरः सरपंच- सोनिया पेडणेकार, उपसरपंच- माया केणी. थिवीः सरपंच- अर्जुन आरोसकार, उपसरपंच- हर्षदा कळंगुटकार. उसकय-पालयेंः सरपंच- रिचा साळगांवकार, उपसरपंच- आल्फी डिसोझा. वेर्ला-काणकाः सरपंच- दिपाली बिचोलकार, उपसरपंच- दिगंबर कळंगुटकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
