भांगरभूंय | प्रतिनिधी
पणजी : गोंय शालांत मंडळान घेतिल्ले बारावेचे परिक्षेचो निकाल आयज बिरेस्तारा सांजेवेळार ५ वरांचेर जाहीर जालो.
गोंय शालांत मंडळान घेतिल्ले बारावेचे परिक्षेचो निकाल 90.64 टक्के. चल्यांचो 88.69 टक्के जाल्यार चलयांचो निकाल 92.42 टक्के.
विद्यार्थ्यांनी मंडळाच्या www.gbshse.in आनी http://results.gbshsegoa.net// ह्या वेबसायटींचेर वचून आपलो निकाल पळोवचो.
१० फेब्रुवारी ते १ मार्च ह्या काळांत राज्यांतल्या २० केंद्रांचेर बारावेची परिक्षा घेतिल्ली. परिक्षेक राज्यभरांतल्यान १७,६८६ विद्यार्थी बशिल्ले. तातूंत ८,४६२ विद्यार्थी आनी ९,२२४ विद्यार्थिनींचो आसपाव आशिल्लो. विद्यार्थ्यांक निकालपत्रां २९ मार्च सावन उपलब्ध आसतलीं, अशेंय मंडळान कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
