भांगरभूंय | प्रतिनिधी
-मुख्यमंत्र्यांनी दिली विद्यार्थ्यांक परबींपणजी : गोंय शालान्त मंडळा वतीन घेवपी यत्ता बारावेची परिक्षा सोमार सावन सुरू जाली. पयलोच पेपर आशिल्ल्यान परिक्षा केंद्रांचेर विद्यार्थ्यांक पावोवपाक पालक आयिल्ले. हाका लागून पणजे सयत सगळ्या केंद्रांचेर गर्दी जाली. 1 मार्च मेरेन परिक्षा चलतली.
विद्यार्थ्यांक परिक्षेची परबीं दितना मुख्यमंत्री डॉ. प्रमोद सावंत हांणी परिक्षे विशीं विद्यार्थ्यांनी भिरांत बाळगूची न्हय, असो सल्लो दिला. अंदूं 17,718 विद्यार्थी बारावेची परिक्षा दितले. फाटल्या वर्साचे तुळेंत अंदूं 207 विद्यार्थी चड आसा.
कला फांट्यांत 4,076 विद्यार्थी, वाणिज्य फांट्यांत 5,092 विद्यार्थी, विज्ञान फांट्यांत 6,095 जाल्यार वेवसायीक फांट्यांत 2,455 विद्यार्थी परिक्षेक बसतले.
फाटल्या वर्सा (2024) 17,511 विद्यार्थी परिक्षेक बशिल्ले. अंदूं 207 विद्यार्थी चड आसात. दर वर्सा विद्यार्थ्यांचो आंकडो बदलत आसता. विद्यार्थ्यांच्या आंकड्यांत चड फरक पडूंक ना, अशें मंडळाचे अध्यक्ष भगिरथ शेट्ये हांणी सांगलें.
सगले विशय घेवन (रिपीटर) परिक्षेक बसपी विद्यार्थ्यांचो आंकडो 36 आसा. हातूंत 20 विद्यार्थी आनी 16 विद्यार्थीनी आसात. तशेंच कांय विशय घेवन (रिपीटर) परतून परिक्षेक बसपी विद्यार्थ्यांचो आंकडो 828 आसा. पयलींच्या निकालांत सुदारणा (इम्प्रुमेंट) करपा खातीर 17 विद्यार्थी परिक्षेक बसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
