बायलां आरक्षणा उपरांंत राजकारणांत जातलो क्रांतीकारी बदल

भांगरभूंय | प्रतिनिधी

-म्हालगडे फुडाऱ्यांची राजकी कारकीर्द धोक्यांत

पणजी : बायलां आरक्षण विधेयकाक लोकसभेंत मान्यताय मेळिल्ल्यान फुडल्या काळांत राज्याचे राजकारणी तशेंच एकंंदर राजकारणांत व्हड बदल निश्चितपणान जातलो. हाका लागून राज्याचे राजकारण तशेंच राजकी नकासोच बदलतलो. सेगीत वेंचून येवपी म्हालगड्या राजकारण्यांची राजकी कारकिर्द धोक्यांत येतली. एक तृतीयांंश बायलां आमदारांंक लागून राजकारणाची दिशा आनी पद्दत बदलतली. थोडक्यात सांंगपाचे म्हणल्यार बायलांं आरक्षण विधेयक हें राजकारणांत क्रांतिकारी बदल करपी थारतलें.

लोकप्रतिनिधी बदलपा खातीर तशेंच सरकार बदलपा खातीर दरेकी पांच वर्सांनी वेंचणुको जातात. बायलांं आरक्षणाक लागून राज्यांतले 13 मतदारसंंघ बायलांं खातीर राखीव दवरचे पडटले. हाका लागून सेगीत वेंचून येवपी राजकारण्यांंक फटको बसपाची शक्यताय आसा. लोकशायेंत ही गजाल अपरिहार्य आसा. सगल्या वाठारांत बदल जायत आसता. राजकारण हाका अाडवाद थारपाक शकना, अशें आदले केंंद्रीय मंंत्री अॅड. रमाकांंत खलप हांंणी सांंगलें. बरेच खेपे प्रस्थापीत राजकारणी हारतात, अशें तांंणी सांंगलें.

गोंयांंत आदले मुख्यमंंत्री दिगंंबर कामत हे 1994 सावन सेगीत मडगांव मतदारसंघांतल्यान वेंचून येतात. वीज मंत्री सुदिन ढवळीकार हे मडकय मतदारसंघांतल्यान 1999 सावन वेंचून येतात. भलायकी मंत्री विश्वजीत राणे हे वाळपय मतदारसंघांतल्यान 2007 सावन वेंचून येतात. तशेंच मायकल लोबो, विजय सरदेसाय, निलेश काब्राल, मुख्यमंंत्री डॉ. प्रमोद सावंत हे लेगीत 2012 सावन आपआपल्या मतदारसंंघांतल्यान 2012 सावन वेंचून आयल्यात.

बायलां आरक्षण विधेयकाक लागून कांय जाणांचे मतदारसंघ बायलां खातीर राखीव जावपाची शक्यताय आसा. मंत्री मॉवीन गुदिन्हो, अालेक्स सिक्वेरा, रवी नायक, सुभाष शिरोडकार हे एक, दोन खेपे हारल्यात, तरी लेगीत मतदारसंंघाचेर तांंचो शेक आसा. आलेक्स रेजिनाल्ड हे कुडतरी मतदारसंघांतल्यान सेगीत 2007 सावन वेंचून आयल्यात.

पोर्तुगीज राजवटींतल्यान गोंय 1961 वर्सा मुक्त जाले. पयली 17 वर्सां राज्यांत महाराष्ट्रवादी गोमंतक पक्षाची राजवट आशिल्ली. 1980 उपरांंत काँग्रेसीची राजवट सुरू जाली. 1987 वर्सा राज्याक घटक राज्याचो दर्जो मेळ्ळे उपरांत मतदारसंंघांचो आंंकडो 40 जालो. बायलां आमदारांंचो आंंकडो तिनाचेर केन्ना पावलो ना. तशेंच चर्चील आलेमांव, सर्गेस्त मनोहर पर्रीकार, दिगंंबर कामत, विश्वजीत राणे, बाबूश मोन्सेरात, सुदिन ढवळीकार रवी नायक हांचे भोवतडी राजकारण घुंवत रावले. बायलां आरक्षणा उपरांंत विधानसभेंत 13 बायलो पावल्यो जाल्यार मात राज्याच्या राजकारणांत क्रांतिकारी बदल जातलो, अशें संंकेत मेळटात.

लोकप्रतिनिधी बदलपा खातीर तशेंच सरकार बदलपा खातीर दरेकी पांच वर्सांनी वेंचणुको जातात. बायलांं आरक्षणाक लागून राज्यांतले 13 मतदारसंंघ बायलांं खातीर राखीव दवरचे पडटले. हाका लागून सेगीत वेंचून येवपी राजकारण्यांंक फटको बसपाची शक्यताय आसा. लोकशायेंत ही गजाल अपरिहार्य आसा. सगल्या वाठारांत बदल जायत आसता. राजकारण हाका अाडवाद थारपाक शकना.

-अॅड. रमाकांत खलप, आदले केंद्रीय मंत्री

बायलां आरक्षण विधेयकाक लोकसभेंत मान्यताय मेळ्ळ्या पूण ताची कार्यवाही मतदारसंघ फेररचणुके उपरांंत जावपाची शक्यताय आसा. जनगणना, मतदारसंघ फेरचणूक हाचे उपरांत आरक्षण लागू जावये. ही सगली प्रक्रिया पयलीं जातली.

रवी नायक, कृशी मंत्री