भांगरभूंय | प्रतिनिधी
भांगरभूंय । प्रतिनिधी
पणजीः फाटल्या सात म्हयन्यां सावन राज्य बायलां आयोगाचें अध्यक्षपद रिकामे आसा. तें भरपाचें सरकार अजून काना-मनार घेना. बायलांच्यो ज्यो कागाळी आसात तो कोणे सोडोवपाच्यो हो प्रश्न सध्या उप्रासला.
फाटल्या 4 मार्चाक विद्या गावडे हांचो अध्यक्षपदाचो कार्यकाळ सोपिल्लो. कोरोनाच्या पयल्या लाऱ्हा उपरांत तांचे कडेन अध्यक्षपद दिल्ले, तिणे देड वर्सांच्या कार्यकाळांत चडांत चड प्रकरणा सुटावी करपाचो यत्न केलो, कोरोनाक लागून चडश्या प्रकरणांची सुनावणी घेवप शक्य जालें ना. सध्या जायती प्रकरणा प्रलंबीत आसात.
सध्या आयोगा कडेन बायलो समस्या घेवंन येतात. तांच्या कागाळींची नोंद करतात. मात ताचेर कारवाय जायना. एकाद्र्या प्रकरणा खातीर आयोगा कडल्यान आपोवणे येता. मात समिती नाशिल्ल्यान अधिकृतपणान कांय करपाक मेळना अशें पयलींच्या समितींतली समुपदेशक केतरी परब गडेकर हिणे सांगलें. बायलांक पुलीस स्टेशनांत वचपाक, वकिलाचो सल्लो घेवपाक गावडे मजत करता.
बायलां आयोगाचेर अध्यक्ष नेमपा संबंदीची फायल फुडें धाडल्या अशें बायल आनी भुरगीं कल्याण खात्याची संचालिका दीपाली नायर हिण फाटल्या मे म्हयन्यांत सांगल्लें. ते फायलीचें कितें जालां हें विचारपा खातीर तिचे कडेन यत्न करून लेगीक संपर्क जावपाक शकलो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
