भांगरभूंय | प्रतिनिधी
खबरां संस्था
अस्तानाः कजाकिस्तानांत अस्ताना हांगा जाल्ले बायलांच्या आशिया कुस्ती चॅम्पियनशीप कुस्ती सर्तींत भारतीय पंगडान रुप्या पदक मेळयलें. भारताच्या चलयांनी 2 रुप्यांची आनी 5 कांस्या पदकां मेळयली. पयल्या आंतरराष्ट्रीय सर्तीत वांटो घेतल्ल्या भारतीय पंगडांतल्या हरियाणाच्या खेळगड्यांनी आपली चमक दाखयली.
अंशु मलीक (57 किग्रा), सोनम मलिक (62 किग्रा), मनिषा (62 किग्रा), रितिका हुड्डा (72 किग्रा), निशा दहिया (68 किग्रा) हांणी पदकां मेळयलीं. तंत्रिक कारणांक लागून भारतीय पंगडाक भांगरा पदका पसून वंचीत रावचें पडलें. 18 वर्सा पिरायेच्या ह्या भारतीय पंगडाक भांगरा पदक जिखपाक फकत एक गुण कमी पडलो.
जपानाच्या पंगड चॅम्पियन थारलो. तांच्या पंगडांत 2021 वर्साची संवसारीक चॅम्पियन अकारी फुजिनामी आशिल्लें. तागेल्या तंत्रिक अणभवाचो जपानी पंगडाक फायदो जालो. 2021 वर्सा संवसारीक कुस्ती सर्तींत रुप्या पदक जिखपी अंशु मलिकान मंगोलियाच्या एर्डेनेसुवदाक हारोवन कांस्या पदक मेळयलें. जपानाच्या साए नानजोन चीनाच्या क्यू झांग आनी सिंगापुराच्या डेनियल सु चिंग लिमाक हावोवन भांगरा पदक जिखलें.
भारताच्या सोनम मलिका मंगोलियाच्या ओरखोन प्योरवर्दोज कडल्यान क्वार्टट फायनलींत हार खावची पडली. मात रेपजेचाच्या माध्यमांतल्यानन ताणे कांस्या पदक मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
