भांगरभूंय | प्रतिनिधी
पणजी: दक्षीण गोंय जिल्ह्यातल्यो कांय संघटणा/ संस्था, सरकारी खातीं, सरकारी अनुदानीत संस्थांनी कामाच्या थळार बायलांचो लैंगीक छळ (प्रतिबंध आनी निवारण) कायदो २०१३ च्या आदेशा प्रमाण अजून मेरेन ‘अंतर्गत कागाळ समिती’ ची नेमणूक करूंक नाशिल्ल्याचें दक्षीण गोंय जिल्लोधिकारी कार्यालयाच्या नदरेक आयलां.
हे विशीं दक्षीण गोंय जिल्ल्यांतल्यो सगल्यो संबंदीत संघटणां/संस्था, सरकारी खातीं, अनुदानीत सरकारी शाळा, उच्च माध्यमीक शाळा आनी महाविद्यालयां, जांणी कामाच्या थळार बायलांचो लैंगीक छळ (प्रतिबंध आनी निवारण) कायदो २०१३ च्या आदेशा प्रमाण अजून मेरेन ‘अंतर्गत कागाळ समिती’ ची नेमणूक करूंक ना, तांणी १६ डिसेंबर २०२४ मेरेन ह्या कायद्या खाला ‘अंतर्गत कागाळ समिती’ ची नेमणूक करची, असो आदेश दक्षीण गोंय जिल्लोधिकारी कार्यालयान दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
